اسلام آباد: وزیراعظم پاکستان عمران خان کی جانب سے کشمیریوں کیساتھ اظہار یکجہتی کے اعلان پر پارٹی رہنماؤں نے ایک دوسرے پر تنقید شروع کردی ہے۔
کراچی سے پاکستان تحریک انصاف کے رکن قومی اسمبلی ڈاکٹرعامر لیاقت حسین نے مشیر اطلاعات فردوس عاشق اعوان کے طرز بیان کو تنقید کو نشانہ بناتے ہوئے کہا کہ درخواست اور حکم میں فرق ملحوظ خاطر رکھیں۔
عامر لیاقت نے ٹوئٹر پر لکھا کہ’’ عمران خان نے کہا جمعے کے روز 12 بجے سے 12:30 کشمیریوں سے اظہار یکجہتی کرنا ہے یہ(فردوس اعوان) فرماتی ہیں کہ جو جہاں موجود ہو وہ3 منٹ کے لیے 12 بجے کھڑا ہوجائے، بات کرنے کا کوئی طریقہ ہوتا‘‘۔
عمران خان @ImranKhanPTI نے کہا جمعے کے روز 12 بجے سے 12:30 کشمیریوں سے اظہار یکجہتی کرنا ہے یہ فرماتی ہیں کہ جو جہاں موجود ہو وہ3 منٹ کے لیے 12 بجے کھڑا ہوجائے” بات کرنےکا کوئی طریقہ ہوتا ہے,اپیل اور حکم میں فرق ملحوظ خاطر رکھیں , قوم دل سے کشمیریوں کے ساتھ ہے حکم کی ضرورت نہیں
— Aamir Liaquat Husain (@AamirLiaquat) August 28, 2019
ایک لائیو شو میں انہوں نے کہا کہ 12 بجے کوئی کسی بھی جگہ موجودہ ہوسکتا ہے وہ اچانک کیسے کھڑا ہو جائے گا۔
عامرلیاقت نے ٹویٹ کیا کہ ’آج مجھے خوشی محسوس ہورہی ہے کہ فردوس عاشق اعوان کو ان فالو کیاتھا، بے ہنگم گفتگو، تسلسل سے مسلسل فضول الفاظ کی دھول، عمران خان کی ہدایات کے برعکس فردوسی بیانات کی یلغار، تنگ کر کے رکھا ہوا ہے پوری قوم کو‘۔
آج مجھے خوشی محسوس ہورہی ہے کہ میں نے فردوس عاشق اعوان کو #Unfollow کیاتھا, بے ینگم گفتگو, تسلسل سے مسلسل فضول الفاظ کی دھول ,
عمران خان @ImranKhanPTI کی ہدایات کے برعکس فردوسی بیانات کی یلغار, تنگ کر کے رکھا ہوا ہے پوری قوم کو— Aamir Liaquat Husain (@AamirLiaquat) August 28, 2019
پی ٹی رہنما نے مشیر اطلاعات کو تنقید کا نشانہ بناتے ہوئے کہا کہ پی ٹی وی میں سنگین بے قاعدگیوں کو تحفظ دینے کے سوا فردوس عاشق اعوان کوکیا ٓتاہے؟
آصف راڈو نے رمضان المبارک میں 50 روپے کا افطار باکس 250 میں دیا انہیں بتایا گیا، خاور اظہر کی خلاف ضابطہ تقرری، امین اختر اور عمیر معصوم کو ہیوی پیکچ پر مارکیٹنگ سونپنا, محترمہ کو کچھ نظر نہیں آتا’
پی ٹی وی میں سنگین بے قاعدگیوں کو تحفظ دینے کے سوا فردوس عاشق اعوان کوکیااتاہے؟ آصف راڈو نے رمضان المبارک میں 50 روپے کا افطار باکس 250 میں دیا انہیں بتایا گیا, خاور اظہر کی خلاف ضابطہ تقرری, امین اختر اور عمیر معصوم کو ہیوی پیکچ پر مارکیٹنگ سونپنا, محترمہ کو کچھ نظر نہیں آتا
— Aamir Liaquat Husain (@AamirLiaquat) August 28, 2019
دوسری جانب ڈاکٹر فردوس اعوان نے کہا ہے کہ کوئی اپنے گراؤنڈز سے باہر کھیلے گا تو اقدامات اٹھائے جائیں گے۔
انہوں نے بتایا کہ وزیراعظم نے نعیم الحق کو ڈسپلنری معاملات دیکھنے کا ٹاسک سونپ دیا ہے۔
