امریکہ: امریکی ریاست ٹیکساس کے شہر اوڈیسا میں حملہ آور نے فائرنگ کرکے پانچ افراد کو ہلاک اور تین پولیس اہلکاروں سمیت 21 کو زخمی کردیا ہے۔ زخمیوں کو علاج معالجے کے لیے اسپتال منتقل کردیا گیا ہے۔
24 گھنٹوں میں امریکہ میں فائرنگ کا دوسرا بڑا واقعہ، 10 ہلاک
امریکی ذرائع ابلاغ کے مطابق پولیس نے سفید فام حملہ آور کو گولی مار کر ہلاک کردیا ہے۔ حملہ آور کی عمر 30 سال کے لگ بھگ بتائی جاتی ہے۔
ذرائع ابلاغ کے مطابق فائرنگ کی اطلاع ملنے پر امریکی صدر ڈونلڈ ٹرمپ نے صورتحال معلوم کی اور پھر سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں کہا کہ اٹارنی جنرل نے حالات سے آگاہ کیا ہے۔ انہوں نے شہریوں کو یقین دہانی کرائی کہ ایف بی آئی اور دیگر امن و امان برقرار رکھنے کے ذمہ دار ادارے اپنا کام کررہے ہیں۔
Just briefed by Attorney General Barr about the shootings in Texas. FBI and Law Enforcement is fully engaged. More to follow.
— Donald J. Trump (@realDonaldTrump) August 31, 2019
امریکی ذرائع ابلاغ کے مطابق حملہ آور نے فائرنگ کا آغاز ٹریفک سگنل پہ متعین پولیس اہل کار کو نشانہ بناکر کیا۔ حملہ آور اس کے بعد پوسٹل سروس کی وین زبردستی چھین کر فرار ہوا۔
امریکہ: سرکاری عمارت میں فائرنگ ، 12 ہلاک
حملہ آور نے چھینی گئی پوسٹل سروس کی وین ڈرائیو کرنے کے دوران بھی فائرنگ کا سلسلہ جاری رکھا جس کی زد میں آکر لوگوں کی جانیں گئیں اور دیگر زخمی ہوئے۔
پولیس نے صورتحال دیکھ کر مجرم کو نشانہ بنایا جس کے نتیجے میں وہ ہلاک ہو گیا۔
ذرائع ابلاغ نے ابتدا میں بتایا تھا کہ حملہ آوروں کی تعداد دو ہے لیکن اب امریکی پولیس کی جانب سے کہا گیا ہے کہ حملہ آور صرف ایک شخص تھا جو فائرنگ کے نتیجے میں ہلاک ہوگیا ہے۔