اسلام آباد: پاکستان نے عالمی عدالت کے فیصلے کے تناظر میں بھارت کو کلبھوشن یادیو تک قونصلر رسائی دے دی.
اس ضمن میں بھارتی ڈپٹی ہائی کمشنر گورو آہلووالیہ نے کلبھوشن یادیو سے دو گھنٹے طویل ملاقات کی۔ اس دوران پاکستان کے دفتر خارجہ اعلیٰ افسر بھی موجود تھے۔
بھارت نے کلبھوشن یادیو کو آج قونصلر رسائی دینے کی پاکستانی پیشکش قبول کی تھی۔
گزشتہ روزترجمان دفتر خارجہ ڈاکٹر فیصل نے ایک ٹوئٹ میں بتایا تھا کہ کلبھوشن یادیو کو ویانا کنونشن، پاکستانی قوانین اور عالمی عدالت کے فیصلے کے تناظر میں قونصلر رسائی دی جا رہی ہے۔
Consular access for Indian spy Commander Kulbhushan Jadhav, a serving Indian naval officer and RAW operative, is being provided on Monday 2 September 2019, in line with Vienna Convention on Consular relations, ICJ judgement & the laws of Pakistan.
— Dr Mohammad Faisal (@ForeignOfficePk) September 1, 2019
خیال رہے کہ عالمی عدالت انصاف سے فیصلہ آنے کے بعد پاکستان نے اعلان کیا تھا کہ ‘ایک ذمہ دار ریاست ہونے کے ناطے کمانڈر کلبھوشن یادیو کو پاکستانی قانون کے مطابق سفارتی رسائی فراہم کی جائے گی جس کے لیے تفصیلات پر کام ہو رہا ہے‘۔