اسلام آباد : وفاقی وزیر سائنس اور ٹیکنالوجی فواد چوہدری نے کہا ہے کہ مقبوضہ کشمیر میں آج کرفیو کا 31 واں دن ہے اور مودی کا پاگل پن جاری ہے۔
امہ نہیں سرحدیں مقدس ہیں، فواد چودھری
سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں انہوں نے کہا کہ سری نگر کے میئر کو بھی گرفتار کرلیا گیا ہے۔
مقبوضہ کشمیر میں کرفیو کا اکتیسواں دن ، اب سری نگر کے مئیر جنیدمٹؤکو بھی گرفتار کر لیا گیا، مودی کا پاگل پن جاری ہی، آج عرب دینا کے دو اہم ترین وزرائے خارجہ اسلام آباد پہنچیں گے اور کشمیر پر گفتگو ہو گی۔ دینا اس صورتحال پر کب تک عملی اقدامات کرتی ہے یہ اہم ہے۔
— Ch Fawad Hussain (@fawadchaudhry) September 4, 2019
وفاقی وزیر سائنس اور ٹیکنالوجی فواد چودھری نے کہا کہ دنیائے عرب کے دو اہم ترین وزرائے خارجہ آج اسلام آباد پہنچیں گے۔ انہوں نے سعودی عرب کے وزیر مملکت برائے امور خارجہ عادل الجبیر اور متحدہ عرب امارات کے وزیرخارجہ شيخ عبداللہ بن زاید النہیان کے دورہ پاکستان کا حوالہ دیتے ہوئے کہا کہ دونوں وزرائے خارجہ سے مسئلہ کشمیر پر بات ہوگی۔
کشمیر پر تین جنگیں لڑچکے، چوتھی کے لیے تیار ہیں: فواد چودھری
انہوں نے سماجی رابطے کی ویب سائٹ پر جاری کردہ پیغام میں کہا کہ دنیا اس صورتحال پر کب تک عملی اقدامات کرتی ہے؟ یہ اہم ہے۔
