اسلام آباد: پاکستان کرکٹ ٹیم کے سابق فاسٹ بولر شعیب اختر نے سابق کپتان مصباح الحق کو کوچ منتخب ہونے پر مبارک باد دی تاہم ساتھ ہی طنز بھی کر ڈالا کہ انہیں حیرت ہے کہ مصباح کو چیئرمین پی سی بی کیوں نہیں بنایا گیا۔
دو روز قبل پاکستان کرکٹ بورڈ (پی سی بی) نے ایک اعلامیے میں مصباح الحق کو ہیڈ کوچ جبکہ وقار یونس کو بولنگ کوچ بنانے کا اعلان کیا تھا۔
Congratulations to @captainmisbahpk for the new ‘dual’ role of Head Coach as well as Chief Selector for Pakistan Cricket Team.
I am surprised he is not appointed the Chairman PCB as well along with it.Hahahaha
i am just kidding. I really hope he does wonders like before 🙂
— Shoaib Akhtar (@shoaib100mph) September 4, 2019
تاہم مصباح کو ہیڈ کوچ کے ساتھ ساتھ چیف سِلیکٹر کی بھی ذمہ داریاں سونپی گئی ہیں جسے کچھ حلقوں کی جانب سے تنقید کا نشانہ بنایا جارہا ہے۔
پاکستان کرکٹ میں طویل عرصے سے یہ دونوں عہدے الگ الگ ہی رہے ہیں تاہم چیئرمین پی سی بی احسان مانی کی ٹیم اس سلسلے میں مختلف خیالات رکھتی ہے۔
اپنے ٹوئٹر پیغام میں شعیب اختر کا کہنا تھا کہ مصباح کے دہرے کردار پر میں انہیں مبارک باد دیتا ہوں۔
انہوں نے ازراہ مذاق کہا کہ میں حیران ہوں کہ انہیں چیف سیلیکٹر کیوں نہیں بنایا گیا۔
ٹوئٹ کے اختتام پر انہوں نے لکھا کہ وہ مذاق کررہے ہیں اور پرامید ہیں کہ پہلے کی طرح وہ پاکستان کے لیے کارنامے سرانجام دیں گے۔
Congratulations to @waqyounis99, one of the greatest fast bowlers and an idol.
We should fully utilize his experience.
With due respect, Waqar bhai should also look into a different approach this time which brings better results for Pakistan compared to previous tenures.— Shoaib Akhtar (@shoaib100mph) September 5, 2019
ایک اور ٹوئٹ میں انہوں نے سابق کپتان وقار یونس کو بھی مبارک باد دی اور کہا کہ ہمیں ان کے تجربے سے بھرپور فائدہ اٹھانا چاہیے۔
انہوں نے کہا کہ وقار بھائی کو گزشتہ ادوار کے برعکس اس مرتبہ نئے انداز میں ٹیم کو لیکر چلنا چاہیے تاکہ پاکستان کے لیے بہتر نتائج آسکیں۔