لاہور: سابق ٹیسٹ کرکٹر اور نامور گگلی ماسٹر عبدالقادر کی نماز جنازہ میاں میر دربار میں ادا کر دی گئی۔ نماز جنازہ میں قومی کرکٹ ٹیم کے سابقہ اور موجودہ کھلاڑیوں سمیت ہزاروں افراد نے شرکت کی۔
عبدالقادر کے صاحبزادے سلمان قادر کے مطابق اچانک ہارٹ اٹیک کے باعث انہیں سروسز اسپتال منتقل کیا گیا تھا جہاں وہ جانبر نہ ہوسکے۔
پاکستان کرکٹ ٹیم کے لئے عبدالقادر نے 67 ٹیسٹ اور 104 ون ڈے انٹر نیشنل میں پاکستان کی نمائندگی کی ۔ عبدالقادر نے 1977 میں انگلینڈ کیخلاف ٹیسٹ ڈبیو کیا تھا۔
مایہ ناز لیگ اسپنر نے اپنے کرکٹ کیرئیر میں مجموعی طور پر 368 کھلاڑیوں کو پویلین کی راہ دکھائی ۔
انہوں نے پہلا ٹیسٹ 1977میں انگلینڈ کے خلاف کھیلا تھا اور ون ڈے کرکٹ میں پہلا میچ ویسٹ انڈیز کے خلاف 1983میں کھیلا۔
عبدالقادر پاکستان کرکٹ ٹیم کے چیف سلیکٹر رہے انہوں نے ایک عرصہ کرکٹ میچوں کے لئے کمینٹری بھی کی ۔
عبد القادر کراچی میں 15 ستمبر 1955 کو پیدا ہوئے تھے ۔
عبدالقار نے 6بچوں اور بیوی کو سوگوار چھوڑا ہے۔ عبدالقادر کے چار بیٹے اور دو بیٹیاں ہیں۔ مرحوم معروف کرکٹر عمر اکمل کے سسر تھے .
وسیم اکرم کی طرف سے جاری بیان میں کہا گیاہے کہ دنیا کے کرکٹرز عبدالقادر کو جادو گر کہا کرتے تھے ، جب انہوں نے میری آنکھ میں دیکھا تو کہا بیس سال تک کرکٹ کھیلو گے۔ میں نے ان پر یقین کیا وہ واقعی جادو گر تھے۔ دنیا عبدالقار کو یاد کرے گی مگر بھولے گی نہیں۔
They called him the magician for many reasons but when he looked me in the eyes & told me I was going to play for Pakistan for the next 20 years, I believed him.A Magician, absolutely. A leg spinner & a trailblazer of his time. You will be missed Abdul Qadir but never forgotten
— Wasim Akram (@wasimakramlive) September 6, 2019
پاکستان کے سابق مایہ ناز فاسٹ بالر شعیب اختر نے کہاہے کہ عبدالقادر کے انتقال پر دلی دکھ ہے۔ میری تمام تر ہمدردیاں سابق ٹیسٹ کرکٹر کے اہل خانہ کے ساتھ ہیں۔ عبدالقادر نے مجھے 2009 میں سیلکٹ کیا تھا۔
شعیب اختر نے کہا کہ عبدالقادرکی وجہ سے میں نے قومی ٹیم میں کم بیک کیا۔انہوں نے مجھ پر بہت بڑا احسان کیا ہے۔
Legendary leg spinner Abdul Qadir sb passed away. Just got this sad news. The revival of leg spin in cricket is completely credited to him. He inspired a generation of bowlers to take up leg spin.
Inna lillahi wa inna elaihi rajaoon.#AbdulQadir pic.twitter.com/mhBZy2yVk9— Shoaib Akhtar (@shoaib100mph) September 6, 2019
وزیر اعلی پنجاب سردار عثمان بزدار کا معروف سابق ٹیسٹ کرکٹر عبدالقادر کے انتقال پر دکھ اور افسوس کا اظہارکیاہے۔ سردارعثمان بزدارنے سوگوار خاندان سے دلی ہمدردی اوراظہار تعزیت کیاہے۔
وزیر اعلی پنجاب نے کرکٹ کے کھیل خصوصا بالنگ کے شعبہ میں عبدالقادر مرحوم کی خدمات کو خراج عقیدت پیش کیاہے۔
سردار عثمان بزدار نے کہاہے کہ عبدالقادر مرحوم نے سپن باؤلنگ میں اپنا منفردنام پیدا کیا۔ کرکٹ آج ایک بین الاقوامی شہرت کے حامل سپنراور عظیم کھلاڑی سے محروم ہو گئی ہے۔
وزیر اطلاعات و محنت سندھ سعید غنی نے سابق ٹیسٹ کرکٹر عبدالقادر کے انتقال پر اپنے گہرے رنج و غم کا اظہار کیا ہے۔
سعید غنی کی طرف سے جاری بیان میں کہا گیاہے کہ ٹیسٹ کرکٹر عبدالقادر نے جب تک کرکٹ کھیلی اس نے ہمیشہ پاکستان کا نام روشن کیا۔
انہوں نے کہا کہ عبدالقادر کی گگلی بولنگ سے سامنے والی ٹیم کے اچھے اچھے بیٹسمین گھبرا جاتے اور پاکستان نے متعدد بار ان کی تباہ کن بولنگ کے باعث بڑے بڑے میچز میں فتح حاصل کی۔