مانچسٹر: آسٹریلیا نے ایشیز سیریز کے چوتھے ٹیسٹ میں انگلینڈ کو شکست دے دی۔
ایشیز سیریز کے چوتھے ٹیسٹ میچ میں آسٹریلیا نے انگلینڈ کو 185 رنز سے ہرا کر پانچ میچوں کی سیریز میں 1-2 کی برتری حاصل کر لی۔ انگلینڈ کی ٹیم 383 رنز کے تعاقب میں 197 رنز بنا کر آؤٹ ہو گئی۔
آسٹریلیا کے بلے باز کھلاڑی اسٹیو اسمتھ کو شاندار ڈبل سنچری پر میچ کا بہترین کھلاڑی قرار دیا گیا جبکہ پیٹ کمنز نے چار کھلاڑیوں کو آؤٹ کر کے انگلینڈ کو 301 رنز تک محدود رکھا۔
آسٹریلیا کے کھلاڑیوں نے 196 رنز کی برتری کے ساتھ دوسری اننگز کا آغاز کیا تو اسمتھ نے 82 رنز کی اننگز کھیل ہدف کو 383 رنز تک پہنچایا، ہدف کے تعاقب میں پیٹ کمنز کی خطرناک بولنگ کے آگے انگلش ٹیم بے بس نظر آئی۔
انگلینڈ کرکٹ ٹیم کے کپتان جو روٹ نے سیریز میں 3 مرتبہ صفر پر آؤٹ ہوکر منفی ریکارڈ قائم کر لیا۔
یہ بھی پڑھیں پاکستان، سری لنکا سیریز، ٹکٹوں کی فروخت کا اعلان کر دیا گیا
واضح رہے کہ اسٹیو اسمتھ نے چوتھے ٹیسٹ میں 216 اور 82 رنز کی اننگز کھیلی، اسمتھ سیریز میں تین سنچریاں اسکور کر چکے ہیں اور وہ ٹیسٹ رینکنگ میں پہلے نمبر پر براجمان ہیں۔
