شہباز گل کو وفاق میں بڑا عہدہ ملنے کا امکان

گورنر سندھ کا دورہ اسلام آباد معمول کے مطابق ہے، شہباز گل

لاہور: سابق ترجمان وزیراعلیٰ پنجاب شہباز گل کو وفاق میں بڑا عہدہ دیے جانے کا امکان ہے۔

یہ خبر ہم نیوز کو پاکستان تحریک انصاف (پی ٹی آئی) کے ذرائع نے دی۔

اس سے قبل شہباز گل مستعفیٰ ہوگئے تھے جس کے حوالے سے ذرائع کا کہنا ہے کہ یہ استعفیٰ انہوں نے وزیراعظم عمران خان کی ہدایت پر دیا۔

ذرائع نے بتایا کہ انہوں نے استعفیٰ دیا نہیں بلکہ ان سے لیا گیا ہے اور ان کی آخری پریس کانفرنس اس کی وجہ بنی۔

پریس کانفرنس میں شہباز گل نے پارٹی رہنماؤں اور کابینہ کے اراکین کو نام لیے بغیر تنقید کا نشانہ بنایا تھا۔

ذرائع نے بتایا کہ چار سے چھ وزراء نے ڈاکٹر شہباز گل کی پریس کانفرنس پر ناراضی کا اظہار کیا اور وزیراعظم اور وزیراعلی پنجاب سے شہباز گل کے بیان پر کارروائی کا مطالبہ کیا تھا۔

وزراء کا کہنا تھا کہ ترجمان وزیراعلیٰ کا کام وزیراعلیٰ کا دفاع ہے، پارٹی میں پھوٹ ڈالنا نہیں۔

انہوں نے شکوہ کیا کہ شہباز گل وزیراعلیٰ کی بجائے ذاتی تشہیر پر زیادہ زور دیتے ہیں۔

پارٹی ذرائع کا کہنا ہے کہ کابینہ اراکین کے ساتھ بھی ان کا رویہ خاصا تضحیک آمیز تھا جبکہ خود وزیراعلیٰ پنجاب بھی اپنے ترجمان سے ناراض تھے۔

وزراء نے الزام عائد کیا کہ شہباز گل مختلف محکموں کی کارکردگی رپورٹس منگوا کر محکموں میں مداخلت کر رہے تھے۔


متعلقہ خبریں