منروویا: لائبیریا کے دارالحکومت منروویا کے ایک اسکول میں آگ لگنے سے 30 بچے جاں بحق ہو گئے۔
غیر ملکی خبر رساں ایجنسی کے مطابق مغربی افریقہ ملک لائبیریا کے دارالحکومت کے ایک اسکول میں اس وقت اچانک آگ لگ گئی جب بچے قرآن پاک پڑھ رہے تھے۔
پولیس کا کہنا تھا کہ آگ لگنے کی وجہ شارٹ سرکٹ معلوم ہوتا ہے تاہم واقعہ کی تحقیقات جاری ہیں۔ جاں بحق ہونے والے بچوں کی عمریں 10 سے 20 سال کے درمیان ہیں۔
لائبیریا کے صدر جارج ویا نے سماجی رابطے کی ویب سائٹ پر حادثے کی مذمت کرتے ہوئے لکھا کہ حادثے پر انتہائی افسوس ہوا۔
My prayers go out to the families of the children that died last night in Paynesville City; as a result of a deadly fire that engulfed their school building. This is a tough time for the families of the victims and all of Liberia. Deepest condolences go out to the bereaved
— George Weah (@GeorgeWeahOff) September 18, 2019
جارج ویا کے ترجمان نے کہا کہ صدر بچوں کی نماز جنازہ میں شرکت بھی کریں گے۔
عینی شاہد کا کہنا تھا کہ آگ لگنے کے فوری بعد وہ بچوں کو بچانے کے لیے عمارت کیا جانب دوڑا لیکن آگ مکمل طور پر پھیل چکی تھی اور عمارت میں گھسنے کا صرف ایک ہی راستہ تھا۔