اسلام آباد: وزیر اعظم کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ مولانا فضل الرحمان مدارس کے معصوم بچوں کے سر پر سیاست نہ کریں۔
وزیر اعظم کی معاون خصوصی برائے اطلاعات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر مولانا فضل الرحمان کو مشورہ دیتے ہوئے لکھا کہ قومی خزانے کو بے رحمی سے لوٹنے والوں کو بچانے کے لیے اسلام اور قانون کے مخالف سمت نہ کھڑے ہوں۔ وزیر اعظم عمران خان کے خلاف سڑک پر نکلنے کا مطلب کرپشن کو لائسنس دینے کے مترادف ہے۔
مولانا صاحب! قومی خزانے کو بے رحمی سے لوٹنے والوں کو بچانے کیلئے اسلام اور قانون کی مخالف سمت نہ کھڑے ہوں۔عمران خان کے خلاف سڑک پر نکلنے کا مطلب کرپشن کو لائسنس دینے کے مترادف ہے۔مولانا سیاست مدارس کے معصوم بچوں کے سر پر نہ کریں۔
— Firdous Ashiq Awan (@Dr_FirdousPTI) October 3, 2019
فردوس عاشق اعوان نے کہا کہ مدارس کے معصوم بچوں کو سیاسی مفاد کے لیے انسانی شیلڈ بنانا کوئی جمہوریت نہیں ہے۔
مدارس کے معصوم بچوں کو سیاسی مفاد کے لیے انسانی شیلڈ بنانا کوئی جمہوریت نہیں۔
— Firdous Ashiq Awan (@Dr_FirdousPTI) October 3, 2019
واضح رہے کہ جمعیت علمائے اسلام ف کے سربراہ مولانا فضل الرحمان نے 27 اکتوبر کو آزادی مارچ کرنے کا اعلان کر دیا۔
یہ بھی پڑھیں ’پی پی پی آزادی مارچ میں شریک نہیں ہوگی‘
مولانا فضل الرحمان نے کہا کہ 27 اکتوبر جس دن کشمیری یوم سیاہ مناتے ہیں، اسی دن کشمیر سے یکجہتی کے ساتھ پورے ملک سے مارچ شروع ہو گا۔ ہم اداروں سے تصادم کی صورتحال پیدا ہونے نہیں دیں گے اور نہ ہی ہم جلد اٹھیں گے۔
