اسلام آباد: برطانوی صحافی ڈیوڈ روز نے کہا ہے کہ شہباز شریف وضاحت کریں اب تک میرے خلاف مقدمہ کیوں دائر نہیں کیا ؟
شہباز شریف کی کرپشن کو بے نقاب کرنے والے برطانوی صحافی ڈیوڈ روز نے سماجی رابطے کی ویب سائٹ ٹوئٹر پر لکھا کہ میں نے شہباز شریف کی مبینہ کرپشن کو بے نقاب کیا۔ نیب و دیگر تحقیقاتی ادارے اس کی چھان بین کر رہے ہیں۔
Sources tell me that investigations by NAB and the Asset Recovery Unit into allegations against Shahbaz Sharif have continued with some vigour since my article was published. This may explain why he hasn’t filed a lawsuit: they have been keeping him busy. https://t.co/8MMkCkErCv
— David Rose (@DavidRoseUK) October 8, 2019
انہوں نے کہا کہ میرے آرٹیکل کے بعد شہباز شریف بہت مصروف ہو گئے ہیں اور اسی مصروفیت میں انہوں نے میرے خلاف قانونی چارہ جوئی کو بھی بھلا دیا ہے۔
خیال رہے کہ 14 جولائی 2019 کو برطانوی اخبار ڈیلی میل نے خبر شائع کی تھی جس کے مطابق شہباز شریف کیخلاف برطانیہ میں تفتیش شروع ہوگئی ہے اور ان پر زلزلہ متاثرین کی امداد میں خرد برد کا الزام ہے۔
26 جولائی کو شہباز شریف نے برطانوی اخبار ڈیلی میل کو قانونی نوٹس بھیجنے کا دعویٰ بھی کیا۔ جس میں ڈیلی میل اخبار کے رپورٹر ڈیوڈ روز کو بھی فریق بنایا گیا اور ڈیوڈ روز کی خبر کو جھوٹے الزامات پر مبنی قرار دیا تھا۔
خبر کے مطابق برطانوی شہری آفتاب محمود نے شہباز شریف کے لیے لاکھوں پاونڈز کی مبینہ منی لانڈرنگ کا اعتراف کیا جس کے بعد یہ جاننے کی کوشش کی جارہی ہے کہ سابق وزیراعلیٰ پنجاب کے اثاثے کیسے بڑھے۔
یہ بھی پڑھیں شہباز شریف نے ڈیلی میل اخبار کو قانونی نوٹس بھیج دیا
حکام کا کہنا تھا کہ برطانیہ نے 2005 کے زلزلہ متاثرین کے لیے پنجاب حکومت کے اکاونٹ میں 50 کروڑ پاونڈز جمع کرائے تھے لیکن شہباز شریف نے اس میں لاکھوں پاونڈز کی بدعنوانی کی۔