لاہور: اسلام آباد یونائیٹڈ کے ہیڈ کوچ اور سابق آسٹریلوی ٹیسٹ کرکٹر ڈین جونز نے مصباح الحق کے بیک وقت چیف سیلیکٹر اور کوچ کا عہدہ رکھنے کی مخالفت کردی۔
اپنے ٹوئٹر پیغام میں ان کا کہنا تھا کہ مصباح الحق میرے لئے بہت عزیز ہیں اور میں چاہتا ہوں کہ وہ اچھا کام کریں۔
Re my comments today. Misbah is a dear mate of mine. I genuinely want him to do well. With 3 formats of the game and a new First Class system… it’s hard to do all the jobs properly and well. I want Misbah to do well. He needs support and patience.
— Dean Jones AM (@ProfDeano) October 8, 2019
ڈین جونز نے کہا کہ نئے فرسٹ کلاس سسٹم اور تین مختلف فارمیٹس پر اچھے طریقے سے کام کرنا مشکل ہوتا ہے اس لیے ہمیں مصباح کی حمایت کرنے کی ضرورت ہے۔
سابق آسٹریلوی کرکٹر نے کہا کہ میری رائے میں ہیڈ کوچ اور چیف سلیکٹر کا عہدہ الگ ہونا چاہیے۔
انہوں نے کہا کہ بطور کھلاڑی آپ اپنے تکنیکی اور ذہنی مسائل ہیڈ کوچ سے تو شئیر کر لیتے ہیں تاہم چیف سلیکٹر کو وہی مسائل بتاتے آپ کو رد کئے جانے کا خوف ہو گا۔
ڈین جونز نے کہا کہ کھلاڑیوں کو ایسا کوچ چاہیے ہوتا ہے جو ان کے ساتھ ایماندار ہو تاہم کھلاڑی کو ایسی ایماندار کبھی بھی چیف سلیکٹر میں نظر نہیں آئے گی۔
انہوں نے مزید کہا کہ بین الاقوامی کرکٹ مختلف ہے جہاں طویل فہرست سے اچھا کھلاڑی منتخب کرنا ہوتا ہے۔