انٹر بینک میں چار ماہ بعد ڈالر 156 روپے سے نیچے آگیا

کراچی: انٹر بینک میں ڈالر 13 پیسے کی کمی کے بعد چار ماہ کی کم ترین سطح پر آگیا ہے۔

فاریکس ڈیلرز کے مطابق انٹر بینک میں ڈالر 155 روپے 88 پیسے پر آگیا ہے۔

دوسری جانب اوپن مارکیٹ میں بھی ڈالر کی قیمت میں 10 پیسے کمی ہوئی۔

گزشتہ روز ڈالر 156.20 روپے میں فروخت ہورہا تھا جبکہ آج 156.10 روپے میں ٹریڈ ہوا۔

2019 میں بھی ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔

اپریل 2019 میں ڈالر چھلانگ لگا کر 141 روپے 50 پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔

جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اگست 2019 میں روپے نے ڈالر کا جم کر مقابلہ کیا اور ڈالر 157.20 روپے تک پہنچ گیا۔

ستمبر 2019 کے اختتام پر ڈالر کی قیمت میں مزید کمی واقع ہوئی اور یہ 156.40 روپے پر پہنچ گیا۔

متعلقہ خبریں

ٹاپ اسٹوریز