اسلام آباد: وزیراعظم عمران خان کے معاون برائے انسداد پولیو بابربن عطا اپنے عہدے سے مستعفی ہو گئے ہیں۔
انہوں نے سماجی رابطوں کی ویب سائٹ ٹوئٹر پر لکھا کہ وہ ذاتی وجوہات کی بنا پر مستعفی ہو رہے ہیں۔
1: After a stint of over a year as the Prime Ministers Focal Person for Polio, I have asked the PM to relieve me of my duties because of some personal reasons pertaining to my family. During this time I got a chance to work with the best minds in the world 1/4
— Babar Atta (@babarbinatta) October 18, 2019
انہوں نے کہا کہ اس وقت کے دوران مجھے دنیا کے بہترین دماغوں کے ساتھ کام کرنے کا موقع ملا اور پاکستان پولیو پروگرام کوقلیل عرصے میں بہترین نتائج کا حامل پروگرام بنایا۔
بابر بن عطا نے لکھا کہ انہوں نے پاکستان کو پولیو فری ملک بنانے کے لیے ہر ممکن کوشش کی۔ بہت جلد ایک سیل کا افتتاح کیا جائے گا جو پولیو ویکسین کے حوالے 24 گھنٹے لوگوں کو آگاہی فراہم کرے گا۔
معاون خصوصی نے لکھا کہ پاکستان بہت جلد پولیو سے ہمیشہ کے لیے نجات پا لے گا اور ہمیں اس موقع کو گنوانا نہیں چاہیے۔