اسلام آباد: چیئرمین پاکستان پیپلز پارٹی بلاول بھٹو زرداری نے کہا ہے کہ غیر جمہوری قوتیں قوانین پر عمل نہیں کرتیں ہیں۔ سیاسی قیدیوں کو تشدد اور حقوق سے محروم رکھا جارہا ہے۔
اڈیالہ جیل راولپنڈی کے باہر ذرائع ابلاغ کے نمائندوں سے بات چیت کرتے ہوئے انہوں نے کہا کہ ججز نے جیل حکام کو آصف علی زرداری کو طبی سہولیات دینے کے احکامات دیے ہیں۔
ان کا کہنا تھا کہ میڈیکل بورڈ نے صابق صدر کو اسپتال لیجانے کا کہا ہے۔ ہم اپنے انسانی حقوق کا مطالبہ کررہے ہیں۔ امید ہے ملکی عدالتی نظام ہمیں حق دے گا۔
بلاول نے کہا کہ زرداری پر مقدمہ راولپنڈی میں چل رہا جبکہ کیس سندھ کا ہے۔ انہوں نے کہا کہ شہید ذوالفقار بھٹو کا راولپنڈی میں عدالتی قتل کیا گیا۔ ہماری جنگ عوام کے حقوق کے لیے جاری رہے گی۔
اس موقع پر بلاول نے کہا کہ میرا اگلا جلسہ 23 اکتوبر کو ہونے جارہا ہے۔ ایک سوال کے جواب میں ان کا کہنا تھا کہ پاکستان پیپلز پارٹی کے دور میں لانگ مارچ اور جلسے ہوئے، ہم نے کسی کو احتحاج اور دھرنے سے نہیں روکا۔
انہوں نے کہا کہ پاکستان پیپلز پارٹی نے احتجاج اور دھرنوں کا سیایس حل نکال اورا مظاہرین کو واپس بھیجا۔
دریں اثناء وفاقی وزیر مواصلات و پوسٹل سروسز مراد سعید نے کہا ہے کہ حادثاتی چیئرمین (بلاول) دکھڑا والد کا سناتے ہیں دھمکیاں ہمیں دیتے ہیں۔
اپنے ایک بیان میں انہوں نے کہا کہ گاجریں کھاتے وقت والد صاحب کو سوچنا چاہئیے تھا کہ کبھی نہ کبھی تو پیٹ میں درد اٹھے گا۔
یہ بھی پڑھیں: صرف سندھ حکومت میں کام ہو رہا ہے، بلاول بھٹو زرداری
انہوں نے کہا کہ باپ بیٹے کو سوچنا چاہئیے تھا کہ اقتدار تاحیات جرم میں انکے شراکت دار نواز شریف کے پاس نہیں رہنا۔ باپ بیٹا لوٹ مار کا حساب نہیں دے پا رہے تو اس میں تحریک انصاف کی حکومت کا کیا قصور ہے۔
مراد سعید نے کہا کہ تحریک انصاف کو تو عوام نے ووٹ ہی ان سے جواب مانگنے کیلئے دیا ہے۔ حادثاتی چیئرمین اور انکے والد چوری سے باز نہیں آئے تو ہم ان سے حساب مانگنے سے کیوں باز آجائیں۔
وفاقی وزیر کا کہنا ہے کہ حادثاتی چیئرمین جان لیں جب عوام میں شعور آتا ہے تو لاڑکانہ ہاتھ سے جاتا ہے اور جب زیادہ شعور آتا ہے تو سندھ بھی خطرے میں پڑتا ہے۔مراد سعید
انہوں نے کہا کہ مولانا کی شرارتیں کام آئیں گی نہ آپ کے واویلوں سے کچھ بن پائے گا۔ قومی خزانے سے چرائی گئی دولت واپس کرنے کے علاوہ کوئی چارہ پہلے تھا نہ اب ہے۔
مراد سعید نے کہا کہ جھوٹی تنقید یا الزام تراشی کے کسی حربے سے پہلے مرعوب ہوئے نہ آئندہ ہوں گے۔ اگلی باری انشاءاللہ سندھ سے بھی اس کرپٹ ٹولے کو الوداع کہیں گے۔
