راولپنڈی: ڈی جی آئی ایس پی آر نے کہا ہے کہ بھارت کے پاس اپنے آرمی چیف کے جھوٹے دعوے کو سچ ثابت کرنے کا جواز ہی نہیں ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) نے سماجی رابطہ کی ویب سائٹ ٹوئٹر پر لکھا ہے کہ بھارت کے پاس اپنے آرمی چیف کے جھوٹے دعوے کو سچ ثابت کرنے کا جواز ہی نہیں ہے۔
Indians have no grounds to support false claim made by their COAS. If they don’t want to go they have the option to share claimed targeted locations with our foreign office. We will take foreign diplomats & media tomorrow on those given locations. Let all see facts on ground. https://t.co/vaWaSymRbm
— DG ISPR (@OfficialDGISPR) October 21, 2019
انہوں نے کہا کہ اگر بھارت لائن آف کنٹرول (ایل او سی) کا دورہ نہیں کرنا چاہتا تو ہمارے دفتر خارجہ کو جگہ ہی بتا دیں۔ ہم عالمی میڈیا اور سفارتکاروں کو ان کی بتائی ہوئی جگہ پر لے جائیں گے۔
ڈی جی آئی ایس پی آر نے کہا کہ ہم دنیا کو دکھائیں گے کہ زمینی حقائق کیا ہیں۔
یہ بھی پڑھیں بھارتی آرمی چیف کا دعویٰ مایوس کن ہے، ڈی جی آئی ایس پی آر
واضح رہے کہ گزشتہ روز بھارتی آرمی چیف نے کہا تھا کہ بھارتی فوج نے پاکستانی حدود میں تین ٹریننگ کیمپس تباہ کرنے کا دعویٰ کیا تھا لیکن وہ اپنے اس جھوٹ کو سچ ثابت نہ کر سکے۔
پاک فوج نے بھارتی آرمی چیف کے دعوے کے بعد کہا تھا کہ آزاد کشمیر میں دہشت گردوں کا کوئی کیمپ موجود نہیں ہے اور بھارت چاہے تو ان کا سفارتخانہ غیر ملکی میڈیا کے ساتھ آزاد کشمیر کا دورہ کر سکتا ہے۔