اسلام آباد: حکومت نے گندم کا مصنوعی بحران پیدا کرنے والوں کے خلاف کریک ڈاؤن کرنے کا فیصلہ کر لیا۔
وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ پر لکھا ہے کہ فائن آٹے کی برآمد پر حکومت نے پابندی عائد کر دی ہے۔
فائن آٹے کی برآمد پر حکومت نے پابندی عائد کر دی ہے ۔گندم کا مصنوعی بحران پیدا کرنے والوں کے خلاف کریک ڈاؤن کا فیصلہ کیا گیا ہے۔وزیراعظم نے صوبائی حکومتوں کو ہدایات دی ہیں کہ عوام تک سستی روٹی اور آٹے کی فراہمی کی راہ میں حائل ذخیرہ اندوزوں کو آہنی ہاتھوں سے نمٹا جائے۔
— Firdous Ashiq Awan (@Dr_FirdousPTI) October 26, 2019
انہوں نے کہا کہ وزیر اعظم نے صوبائی حکومتوں کی ہدایات دی ہیں کہ عوام تک سستی روٹی اور آٹے کی فراہمی کی راہ میں حائل ذخیرہ اندوزوں سے آہنی ہاتھوں سے نمٹا جائے۔
یہ بھی پڑھیں ’پنجاب میں گندم کا بنیادی بیج 100 فیصد تک فروخت کردیا گیا ‘
دو ہفتے قبل خیبر پختونخوا کے فلور ملز مالکان نے حکومت کو خبردار کیا ہے کہ خیبرپختونخوا میں آئندہ دو ماہ میں گندم کا شدید بحران پیدا ہوسکتا ہے۔
