اسلام آباد: وفاقی وزیر برائے سائنس اینڈ ٹیکنالوجی فواد چوہدری کے مطابق دنیا کی دو بڑی کمپنیاں سولر پینل بنانے کے پلانٹس پاکستان میں لگا رہی ہیں۔
انہوں نے سماجی رابطوں کی ویب سائٹ ٹوئٹر پر لکھا کہ چین کی بیٹری بنانیوالی دوسری بڑی کمپنی پاکستان میں Lithium بیٹری بنانے کا کارخانہ لگائے گی اور بیٹری پر چلنے والی بسیں بھی اپنے ملک میں بنیں گی۔
فواد چوہدری نے لکھا’سیاسی تماشبینی میں اچھی خبریں تو کھو جاتی ہیں لیکن مجھے خوشی ہے کہ بین الاقوامی کمپنیاں پاکستان میں سرمایہ کاری کر رہی ہیں۔
سیاسی تماشبینی میں اچھی خبریں تو کھو جاتی ہیں پھر بھی مجھے بہت خوشی کہ دینا کی دو بڑی کمپنیاں سولر پینل بنانے کے پلانٹس پاکستان میں لگا رہی ہیں اور چین کی بیٹری بنانیوالی دوسری بڑی کمپنی پاکستان میں Lithium بیٹری بنانے کا کارخانہ لگائے گی، بیٹری پر بسیں بھی پاکستان میں بنیں گی
— Ch Fawad Hussain (@fawadchaudhry) October 28, 2019
خیال رہے کہ فواد چوہدری حال ہی میں چین کا چھ روزہ دورہ مکمل کر کے آئیں ہیں۔ حکومتی اعلامیے کے مطابق چین کے اشتراک سے پاکستان میں ہائی پاورڈ کمیشن کے قیام کا فیصلہ کیا گیا ہے جس کے زیراہتمام ہائی پاورڈ ٹیکنالوجی انڈسٹری قائم کی جائے گی۔
چائنا مشینری انجینیئرنگ کمپنی نے بھی اشتراک سے پاکستان میں شمسی توانائی کے پلانٹس قائم کرنے پر اتفاق کیا ہے۔
