قبائلی اضلاع میں علم کی شمع جلانے کیلئے اربوں روپے کے فنڈز جاری

پشاور: خیبرپختونخوا حکومت نے قبائلی اضلاع میں 7 ہزار سے زائد نئے اساتذہ کی بھرتیوں اور اسکولوں میں ترقیاتی کاموں کے لیے 4 ارب روپے کے فنڈز جاری کر دیے ہیں۔

قبائلی اضلاع کے خیبرپختونخوا میں انضمام کے ثمرات سامنے آنا شروع ہو گئے ہیں، خیبر پختونخوا حکومت نے قبائلی اضلاع میں تعلیم کے لیے مختص 22 ارب میں سے چار ارب روپے کی خطیر رقم جاری کردی ہے۔

ان اضلاع میں اساتذہ کی کمی پوری کرنے کے لیے ابتدائی طور پر 7 ہزار چار سو 33 بھرتیاں کرنے کی بھی منظوری دے دی گئی ہے۔

مشیر تعلیم ضیاء اللہ بنگش نے پریس کانفرنس کے دوران اعلان کرتے ہوئے بتایا کہ جاری کیے گئے فنڈز صوبائی حکومت کے بجائے والدین اور اساتذہ کونسل کے تحت خرچ ہوں گے جس میں چالیس کروڑ کی لاگت سے سٹیشنری، اڑھائی ارب روپے کے بچوں کو وظیفے جبک ہ 23 کروڑ کھیلوں کے میدانوں پر خرچ ہوں گے۔

صوبائی مشیر نے واضح کیا کہ اب تک قبائلی اضلاع میں 128 گھوسٹ اساتذہ کو نوکری سے نکالا جاچکا ہے اور مزید چھان بین جاری ہے۔

متعلقہ خبریں

ٹاپ اسٹوریز