اسلام آباد: وفاقی وزیرسائنس و ٹیکنالوجی فواد چوہدری نے آزادی مارچ پرنکتہ چینی کرتے ہوئے کہا ہے کہ پورا ملک گھوم لیا ہے لیکن ابھی تک مطالبات کا پتا نہیں ہے کہ وہ چاہتے کیا ہیں؟
پورا ملک گھوم لیا ابھی تک مطالبات کا پتا نہیں کہ چاہتے کیا ہیں۔ سندہ اور پنجاب نے فضل الرحمنٰ کے جلوس میں شامل نہ ہو کر ثابت کیا ہے کہ عوام سیاسی استحکام چاہتی ہے دینا میں کرپشن کیخلاف لانگ مارچ ہوتے ہیں یہ عجیب مارچ ہے کہ احتساب کا عمل روک دو ، بہرحال شوق پورا کر لیں۔
— Ch Fawad Hussain (@fawadchaudhry) October 30, 2019
وفاقی وزیر نے سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں دعویٰ کیا ہے کہ سندھ اور پنجاب نے مولانا فضل الرحمان کے جلوس میں شامل نہ ہوکر ثابت کیا ہے کہ عوام سیاسی استحکم چاہتے ہیں۔
آزادی مارچ کی آمد پر اسلام آباد کا سیکیورٹی پلان، پولیس ، رینجرز ، فوج تعینات ہو گی
ہم نیوز کے مطابق فواد چودھری نے اپنے پیغام میں کہا ہے کہ دینا میں کرپشن کے خلاف لانگ مارچ ہوتے ہیں لیکن یہ عجیب مارچ ہے کہ احتساب کا عمل روک دو۔
پاکستان تحریک انصاف سے تعلق رکھنے والے وفاقی وزیرفواد چودھری نے کہا ہے کہ مولانا مارچ کرکے اپنا شوق پورا کرلیں۔