اسلام آباد: وفاقی وزیر سائنس اینڈ ٹیکنالوجی فواد چوہدری نے کہا ہے کہ حکومت کو کمزور سمجھنے کی غلطی نہ کرنا ایک اشارے سے 5 پیاروں اور ان کے چمچوں پر زمین تنگ کر دیں۔
سماجی رابطوں کی ویب سائٹ ٹوئٹر پر انہوں نے لکھا کہ وزیراعظم عمران خان کی ہدایت پر تحمل کا مظاہرہ کر رہے ہیں۔
پی ٹی آئ حکومت کو کمزور سمجھنے کی غلطی نہ کرنا، ہم اس لئے تحمل کا مظاہرہ کر تہے ہیں کہ عمران خان نے یہ ہدائیت کی ہے ورنہ ایک اشارے پر ان پانچ پیاروں ان کے چمچوں پر زمین تنگ کر دیں
— Ch Fawad Hussain (@fawadchaudhry) November 2, 2019
وزیراعظم کی مشیر اطلاعات فردوس عاشق اعوان نے بھی آزادی مارچ کے شرکا پر تنقید کرتے ہوئے کہا ہے کہ
اگرغور کیا جائے تو اس وقت کنٹینر پر وہ پانچ خاندان ہیں جو ہمیشہ سے اس ملک پر حکمرانی کرتے رہے ہیں۔
انہوں نے ٹویٹ کیا کہ مفتی محمود خاندان، اچکزئی خاندان، ولی خان خاندان، بھٹو خاندان اور شریف خاندان۔
فردوس اعوان نے لکھا کہ مذکورہ خاندان اب حکمرانی اپنی اولادوں تک پہنچانے کے لیے ریاست پاکستان پر حملہ آور ہیں۔
یاد رہے کہ گزشتہ روز وزیراعظم عمران خان نے بھی مولانا فضل الرحمان پر شدید تنقید کرتے ہوئے کہا تھا کہ مولانا کے ہوتے ہوئے ملک کو کسی یہودی سازش کی ضرورت نہیں ہے۔
اسی طرح علی امین گنڈا پور نے بھی مولانا فضل الرحمان کے آزادی مارچ پر خوب تنقید کی ہے۔
اگر غور کیا جائے تو اس وقت کنٹینر پر وہ پانچ خاندان ہیں جو ہمیشہ سے اس ملک پر حکمرانی کرتے رہے ہیں یعنی ، مفتی محمود خاندان ، اچکزئی خاندان ، ولی خان خاندان ،بھٹو خاندان اور شریف خاندان ۔۔۔
اب وہ حکمرانی اپنی اولادوں تک پہنچانے کے لیئے ریاست پاکستان پر حملہ آور ہیں ۔۔۔۔۔ pic.twitter.com/rspTmbPRjI
— Firdous Ashiq Awan (@Dr_FirdousPTI) November 2, 2019
