اسلام آباد: وزیراعظم عمران خان آج طلبہ کے لیے تاریخی اسکالرشپ پروگرام کا افتتاح کریں گے۔
اس ضمن میں سماجی رابطے کی ویب سائٹ ٹوئٹر سے جاری اپنے پیغام میں وزیراعظم کا کہنا ہے کہ احساس پروگرام کے تحت چار سال میں 2 لاکھ طلباء کو اسکالرشپس دی جائیں گی۔
I will launch the largest ever needs-based undergraduate scholarship programme in the history of Pakistan today. 200,000 scholarships will be awarded over the next 4 years, 50,000 every year, 50% of these for women to promote human capital development under my @Ehsaas_Pk umbrella
— Imran Khan (@ImranKhanPTI) November 4, 2019
انہوں نے کہا کہ ہر سال 50 ہزار طلباء کو اسکالر شپ فراہم کی جائے گی جس میں سے 50 فیصد کوٹہ طالبات کے لئے مختص کیا گیا ہے۔
دوسری جانب وزیراعظم کی معاون خصوصی ڈاکٹر ثانیہ نشتر نے کہا ہے کہ احساس برائے اسٹوڈنٹ پروگرام انڈرگریجوایٹ طلبہ کےلیے اسکالرشپ کا بڑا پروگرام ہے۔
Today, the Prime Minister will launch #EhsaasForStudents, the largest undergraduate scholarship program ever launched in the history of Pakistan! The Government of @ImranKhanPTI is committed to promoting financial access to education and offers an equal opportunity to women pic.twitter.com/520qQgUH54
— Sania Nishtar (@SaniaNishtar) November 4, 2019
ان کا کہنا ہے کہ حکومت تعلیم عام کرنے کےلیے طلباء کی مالی معاونت جاری رکھے گی۔
انہوں نے کہا کہ حکومت خواتین کو مساوی مواقع فراہم کرنے کےلیے پرعزم ہے۔
واضح رہے کسی بھی سرکاری یونیورسٹی میں میرٹ پر داخلہ حاصل کرنے والے طلبا و طالبات اسکالرشپس کے لئے اہل ہوں گے۔
اسکالرشپس پروگرام کےلئے درخواست جمع کرانے کی آخری تاریخ 10دسمبر ہے۔
