کرتار پور راہداری کا منصوبہ سکھ برادری کیلئے وزیراعظم عمران خان کا تحفہ ہے،وزیراعلی پنجاب

ڈی جی خان میں مبینہ پولیس مقابلہ، وزیر اعلیٰ پنجاب نے نوٹس لے لیا

فوٹو: فائل

لاہور: وزیراعلی پنجاب سردارعثمان احمد خان بزدار نے کہاہے کہ  کرتار پور راہداری کا منصوبہ سکھ برادری کیلئے وزیراعظم عمران خان کا تحفہ ہے۔

سردار عثمان بزدار نے کہا کہ پاکستان آنے والی سکھ کمیونٹی کو دل کی اتھاہ گہرائیوں سے خوش آمدید کہتے ہیں۔کرتار پور راہداری منصوبے کی افتتاحی تقریب کیلئے آنیوالی سکھ کمیونٹی کوحکومت ہر طرح کی سہولتیں فراہم کررہی ہیں۔

انہوں نے کہا کہ کرتارپورراہداری منصوبے کی تکمیل سے اس وقت بھارت میں پاکستان کا ڈنکا بج رہا ہے۔پوری دنیا کے سکھ برادری کے جذبات خوشی اور انسباط سے لبریز ہیں۔

وزیراعلی پنجاب عثمان بزدار نے کہا کہ وزیراعظم پاکستان عمران خان نے بھارت سمیت دنیا بھر میں مقیم سکھ برداری کے دل جیت لئے ہیں۔بین المذاہب ہم آہنگی کے اس تاریخی اقدم سے بین الاقوامی سطح پر پاکستان کا وقار بلند ہوا ہے۔

یہ بھی پڑھیے کرتار پور راہداری کی افتتاحی تقریب: پاکستان نے غیر ملکی سفرا کو مدعو کرلیا

سردار عثمان احمد خان بزدار نے کہا کہ اقلیتوں کے مذہبی مقامات کے تحفظ اور اپ گریڈیشن کی اس سے بڑی مثال پور ی دنیا میں کوئی نہیں۔وزیر اعظم پاکستان عمران خان کے اس اقدام سے امن، محبت اور خیر سگالی کے جذبات کو فروغ ملے گا۔

متعلقہ خبریں

ٹاپ اسٹوریز