فٹنس کیمپ 18 نومبر سے نیشنل کرکٹ اکیڈمی لاہور میں شروع ہوگا

پاکستانی کرکٹرز کے فٹنس ٹیسٹ کا آغاز

لاہور: قومی کرکٹرز کے لئے فٹنس کیمپ 18 نومبر سے نیشنل کرکٹ اکیڈمی لاہور میں شروع ہوگا، 8 روزہ کیمپ 25 نومبر تک جاری رہے گا۔ کیمپ میں شریک کھلاڑی 17 نومبر کو این سی اے میں رپورٹ کریں گے۔

پاکستان کرکٹ بور ڈ کا کہنا ہے کہ  کیمپ کی نگرانی ڈائریکٹر میڈیسن اینڈ اسپورٹس سائنسز پی سی بی ڈاکٹر سہیل سلیم کریں گے۔ محمد عامر، محمد عرفان اور عماد وسیم کیمپ میں شرکت کریں گے۔

اے سی سی ایمرجنگ ٹیمز ایشیا کپ میں شرکت کی غرض سے بنگلہ دیش میں موجود محمد حسنین اور خوشدل شاہ کیمپ میں شرکت نہیں کررہے۔ شعیب ملک، وہاب ریاض اور آصف علی کو کیمپ میں شرکت سے چھوٹ دی گئی ہے۔

تینوں کھلاڑیوں کو جنوبی افریقہ میں جاری مزانسی ٹی ٹونٹی لیگ کے لیے این او سی جاری کئے گئے ہیں۔ شاداب خان، فخر زمان اور عثمان قادر کو ڈومیسٹک کرکٹ میں شرکت کے باعث کیمپ کے لیے طلب نہیں کیا گیا۔

یہ بھی پڑھیے:انگلینڈ کے خلاف سیریز: قومی خواتین کرکٹ ٹیم کی ممکنہ کھلاڑیوں کا اعلان

 

متعلقہ خبریں

ٹاپ اسٹوریز