لاہور: ہم مصالحہ فیملی فیسٹیول میں لاہوریوں کی بڑی تعداد نے شرکت کی اور خوب انجوائے کیا۔
لاہور کے ایکسپو سینٹر میں ہم نیٹ ورک کے زیر اہتمام دو روزہ ہم مصالہ فیملی فیسٹیول کا انعقاد کیا گیا جس میں لاہوریوں کی بڑی تعداد نے بڑھ چڑھ کر حصہ لیا۔ شہریوں کا کہنا تھا کہ ہم لاہور میں ہونے والے ہم نیٹ ورک کے اس تفریح کو سال بھر نہیں بھلا سکیں گے۔
فیملی فیسٹیول میں جگمگاتے ستاروں اور ماہر شیفس کے کارناموں نے زندہ دلان لاہور کو اپنا گرویدہ بنا لیا جبکہ ہم مصالحہ فیسٹیول میں شہریوں کا جھرمٹ لگا رہا۔ کسی نے مزے مزے کے پکوان بنانا سیکھے تو کوئی جم کر شاپنگ میں مگن رہا۔
فیسٹیول میں آنے والوں کا کہنا تھا کہ اس فیسٹیول میں آنا سال کا سب سے خوشگوار تجربہ ہوتا ہے۔ مصالحہ ٹی وی کے اسٹارز شیفس کو اپنے درمیان دیکھ کر لاہوریوں کی خوشی قابل دید تھی۔ لوگوں نے ہم مصالحہ فیسٹول کو بہت انجوائے کیا۔
مزید پڑھیں ملک میں چھپے ٹیلنٹ کو موقع دینے کی ضرورت ہے، سلطانہ صدیقی
ہم نیٹ ورک کے فیملی فیسٹیول میں میوزیکل کنسرٹ میں معروف گلوکاروں کی پرفارمنس دیکھ کر شرکا خوب محظوظ ہوئے۔ فیسٹیول میں بچوں کے لیے مزیدار کھانے کی چیزیں بھی موجود تھیں جہاں شہریوں کا تانتا بندیا رہا۔
