اسلام آباد: چیئرمین پیپلز پارٹی بلاول بھٹو زرداری نے کہا کہ اگر عمران خان کی کوئی پہچان ہے تو وہ یوٹرن اور کٹھ پتلی ہے۔
سماجی رابطہ کی ویب سائٹ ٹوئٹر پر چیئرمین پیپلز پارٹی بلاول بھٹو زرداری نے لکھا کہ میں نہ لبرل ہوں، نہ کرپٹ ہوں اور نہ ہی منافق ہوں۔ میں ترقی پسند اور نظریاتی ہوں، ایک سال سے سیاست میں ہوں۔
Na liberal hoon, Na corrupt hoon aur Na hi munafiq. Main taraki-pasand aur nazriyati hoon. Aik saal say siyasat main hoon. Tum 70 saal kay burhay ho, 20 saal say selected siyasat kartay aa rahay ho. Agar Imran ki koi pehchaan hai – tau woh U-turn hai, munafiqat hai, katputli hai.
— BilawalBhuttoZardari (@BBhuttoZardari) November 18, 2019
انہوں نے عمران خان کو مخاطب کرتے ہوئے کہا کہ تم 70 سال کے بوڑھے ہو، 20 سال سے سلیکٹڈ سیاست کرتے آ رہے ہو۔
چیئرمین پیپلز پارٹی نے کہا کہ اگر عمران خان کی کوئی پہچان ہے تو وہ یوٹرن ہے، منافق ہے اور کٹھ پتلی ہے۔
پیپلز پارٹی کی سیکرٹری اطلاعات نفیسہ شاہ نے کہا کہ سلیکٹڈ کی کیفیت بتا رہی ہے ان کا کھیل ختم ہو چکا ہے۔ سلیکٹڈ سن لو بلاول بھٹو زرداری طلوع ہو رہے ہیں اور تم غروب ہو رہے ہو۔ سلیکٹڈ این آر او لکھ کر پانی میں گھول کر پی لیں۔
یہ بھی پڑھیں این آر او مانگنے والے احمقوں کی جنت میں رہتے ہیں، وزیراعظم
انہوں ںے کہا کہ عمران خان نے خود ہی احتساب کا بھانڈہ پھوڑ دیا ہے۔ جی ہاں ملک میں دو قانون ہیں ایک سیاسی مخالفوں کے لیے اور دوسرا علیمہ خان کے لیے ہے جبکہ عمران خان خود کرپٹ عناصر کے سرغنہ ہیں۔