آرمی چیف کی ایرانی صدر اور وزیر خارجہ سے ملاقات

آرمی چیف کی ایرانی صدر اور وزیر خارجہ سے ملاقات

راولپنڈی: آرمی چیف جنرل قمر جاوید باجوہ نے ایرانی صدر اور وزیر خارجہ سے ملاقات کی۔

ڈی جی آئی ایس پی آر نے سماجی رابطے کی ویب سائٹ ٹوئٹر پر کہا ہے کہ آرمی چیف جنرل قمر جاوید باجوہ نے ایران کے دورے کے دوران ایرانی صدر حسن روحانی سے ملاقات کی اور باہمی تعلقات سمیت خطے کی صورتحال پر تفصیلی بات چیت کی۔

ملاقات کے دوران ایرانی صدر نے خطے میں امن و استحکام کے لیے پاکستان کے کردار کی تعریف کی۔

یہ بھی پڑھیں آرمی چیف ایران کے دورے پر تہران پہنچ گئے

سربراہ پاک فوج نے ایرانی وزیر خارجہ جواد ظریف سے بھی ملاقات کی اور باہمی تعاون اور مجموعی علاقائی صورتحال پر بات چیت کی گئی۔

واضح رہے کہ گزشتہ روز آرمی چیف ایران کے دورے پر پہنچے تھے جہاں انہوں نے ایران کی مسلح افواج کے چیف آف اسٹاف میجر جنرل محمد حسین سے ملاقات کی اور علاقائی سلامتی کے حوالے سے تبادلہ خیال کیا گیا۔

متعلقہ خبریں

ٹاپ اسٹوریز