اسلام آباد: پاکستان یونیسکو ایگزیکٹو بورڈ کا دوبارہ رکن منتخب ہوگیا ہے۔ یہ بات دفتر خارجہ کے ترجمان ڈاکٹر محمد فیصل نے سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں بتائی ہے۔
بھارت کے منفی عزائم سے خطے کی امن و سلامتی داؤ پر لگ جائے گی، ترجمان دفتر خارجہ
ہم نیوز کے مطابق دفتر خارجہ کے ترجمان ڈاکٹر محمد فیصل نے اپنے پیغام میں کہا ہے کہ پاکستان نے پیرس میں ھونے والے انتخابات میں 154 ووٹ حاصل کیے ہیں۔
#Pakistan gets re-elected to the @UNESCO Executive Board, securing 154 votes in the elections held in Paris this evening.
This success is another affirmation of the trust that the international community reposes in Pakistan and our contributions to the important work of @UNESCO
— Dr Mohammad Faisal (@ForeignOfficePk) November 20, 2019
ترجمان دفتر خارجہ کے مطابق پاکستان کا انتخاب ایک مرتبہ پھر عالمی برادری کے اس اعتماد کا مظہر ہے جو وہ پاکستان پر کرتی ہے۔ ڈاکٹر محمد فیصل نے اپنے پیغام میں مؤقف اختیار کیا ہے کہ انتخاب میں کامیابی دراصل یونیسکو کے اہم کام میں پاکستان کی اعانت کا مظہر بھی ہے۔