اسلام آباد: قومی ون ڈے اور ٹی ٹوئنٹی ٹیم کے کپتان بابراعظم نے کہا ہے کہ ’ میرا ویرات کوہلی سے کوئی مقابلہ نہیں ہے وہ زیادہ تجربہ رکھنے والے کھلاڑی ہیں‘۔
What a way to bring it up! ?
Bravo, Babar Azam! #AUSvPAK | https://t.co/oHjjQibN4b pic.twitter.com/hreTdxPBOl
— cricket.com.au (@cricketcomau) November 24, 2019
برسبین ٹیسٹ میچ کے بعد پریس کانفرنس کرتے ہوئے آسٹریلیا کیخلاف شاندار سینچری کے حوالے سے ان کا کہنا تھا کہ آسٹریلیا کیخلاف اسکور بنانا کافی مشکل ہوتا ہے کیونکہ وہ اپنے ہوم گراؤنڈ میں کھیلنے کا کافی تجربہ رکھتے ہیں، اس لئے یہ میرے کریئر کی سب سے بہترین اننگرز ہے۔
پہلی اننگز میں جلدی آؤٹ ہونے کے حوالے سے سوال پر ان کا کہنا تھا کہ جیسے ہی میں نے کریز سنبھالی تو میں نے شاٹس کھیلنا شروع کر دیں، مجھے اننگز کی ابتدا میں شاٹس نہیں کھیلنی چاہئے تھیں جس کی وجہ سے میں آؤٹ ہوا۔
انہوں نے کہا کہ میں نے دوسری اننگرز میں اس غلطی کو نہیں دھرایا اور سینچری اسکور کی تاہم میچ کے اس موڑ پر آؤٹ ہونے کا دکھ ہے۔
واضح رہے دو میچوں پر مشتمل ٹیسٹ سیریز کے پہلے میچ میں آسٹریلیا نے پاکستان کو ایک اننگز اور پانچ رنز سے شکست دی ہے۔
