اسلام آباد: وفاقی وزیر مواصلات مراد سعید نے انکشاف کیا ہے کہ سابق وزیر اعظم نواز شریف نے لندن علاج کے دورے پر سرکاری خزانے سے 34 کروڑ روپے خرچ کیے۔
وفاقی وزیر مواصلات مراد سعید نے سماجی رابطے کی ویب سائٹ ٹوئٹر پر کہا کہ سابق نااہل وزیر اعظم کے علاج پر ہونے والے خرچ کا بوجھ سرکاری خزانے پر ڈالا گیا تھا۔
انہوں ںے کہا کہ نواز شریف نے اپنے دورے حکومت کے دوران لندن علاج کے ایک دورے پر 34 کروڑ روپے خرچ کیے تھے جس کا خرچہ سرکاری خزانے سے پورا کیا گیا تھا لیکن جب کپتان آیا تو اس نے ہر پاکستانی کے لیے صحت انصاف کارڈ کا آغاز کیا۔
سابق نا اہل وزیراعظم کے لندن علاج کے ایک دورے پر 34 کروڑ عوام کے خزانے سے خرچ ہوئے
کپتان آیا تو ہر پاکستانی کیلے صحت انصاف کارڈ کا آغاز کیا کہ ہر خاندان 720000 تک کا مفت اور بہترین علاج کر سکتی ہے#کپتان_کا_احساس صحت کی ریاست زمہ دار۔
دو نہیں ایک پاکستان ہم سب کا پاکستان— Murad Saeed (@MuradSaeedPTI) November 24, 2019
مراد سعید نے کہا کہ ’’دو نہیں ایک پاکستان ہم سب کا پاکستان‘‘ وزیر اعظم عمران خان کے جاری کردہ صحت انصاف کارڈ سے ہر خاندان 7 لاکھ 20 ہزار روپے تک کا مفت اور بہترین علاج کرا سکتا ہے۔
وفاقی وزیر نے اپنے ٹوئٹر کے آخر میں لکھا کہ کپتان کا احساس صحت کی ریاست ذمہ دار۔
یہ بھی پڑھیں حزب اختلاف عوام کو گمراہ کر رہی ہے، فردوس عاشق اعوان
واضح رہے کہ مسلم لیگ ن کے رہنما ہمیشہ سے یہی کہتے رہے ہیں کہ نواز شریف نے اپنے علاج کے لیے کبھی بھی سرکاری خزانے سے کوئی رقم خرچ نہیں کی۔
