اسلام آباد: وزیراعظم عمران خان نے آسٹریلیا میں موجود قومی ون ڈے اور ٹی ٹوئنٹی ٹیم کے کپتان بابر اعظم کو نمبر 4 پر بیٹنگ کرنے کا مشورہ دے دیا ہے۔
سماجی رابطے کی ویب سائٹ ٹوئٹر سے جاری اپنے پیغام میں سابق کپتان و مایہ ناز گیند باز وسیم اکرم نے بتایا ہے کہ برسبین ٹیسٹ کے دوران وزیراعظم عمران خان مجھے میسج کیا اور کہا کہ میں ان کی جانب سے نیک تمناؤں کا اظہار بابراعظم تک پہنچاؤں۔
Wasim Akram “PM Imran Khan messaged me to wish all the best to Babar Azam for the way he batted. He also mentioned that in his cricketing opinion Babar is such a good batsman, with great technique that he should bat at number four eventually” #AUSvPAK
— Saj Sadiq (@Saj_PakPassion) November 25, 2019
انہوں نے بتایا کہ عمران خان کا اپنے پیغام میں کہنا تھا کہ بابراعظم شاندار تکنیک رکھنے والے اچھے بیٹسمین ہیں، انہیں نمبر 4 پر بیٹنگ کرنی چاہیئے۔
واضح رہے پاکستان کی ٹیسٹ ٹیم اس وقت دو میچوں پر مشتمل سیریز کھیلنے کے لئے آسٹریلیا میں موجود ہے۔
قومی ٹیم کو پہلے ٹیسٹ میچ میں آسٹریلیا کے ہاتھوں ایک اننگز اور پانچ رنز سے شکست کا سامنا کرنا پڑا تھا، اس میچ میں بابر اعظم پہلی اننگز میں صفر جبکہ دوسری اننگز میں شاندار سینچری اسکور کرنے میں کامیاب ہوئے تھے۔