آسٹریلیا کے سلامی بلے باز فلیپ ہیوز کی پانچویں برسی آج منائی جا رہی

November 27, 2019

آسٹریلیا کے سلامی بلے باز فیلیپ ہیوس کی پانچویں برسی آج منائی جا رہی

ایڈلیڈ: میچ کے دوران سر پر گیند لگنے سے فوت ہونے والے آسٹریلیا کے سلامی بلے باز فلیپ ہیوز کی پانچویں برسی آج منائی جا رہی ہے۔

یاد رہے آسٹریلوی اوپنر کو 25 نومبر 2014 کو ٹیسٹ میچ کے دوران گیند لگی تھی جس کے بعد انہیں اسپتال لے جایا گیا، ان کی سرجری کی گئی مگر وہ جانبر نہ ہو سکے اور 26 برس کی عمر میں وفات پا گئے۔

فلیپ ہیوز آسٹریلیا کے لیے ٹیسٹ سنچری کرنے والے کم عمر ترین کھلاڑی ہیں، انہوں نے یہ کارنامہ 20 سال کی عمر میں سر انجام دیا تھا۔

سلامی بلے باز نے آسٹریلیا کے لیے 26 ٹیسٹ، 25 ون ڈے انٹرنیشنل اور ایک ٹی ٹوئنٹی میچ کھیلا تھا، اسکور بورڈ پر فلیپ ہیوز ہمیشہ کے لیے 63 رنز ناٹ آوٹ ہیں۔

دوسری جانب سماجی رابطے کی ویب سائٹ ٹوئٹر پر ان کے مداحوں کی جانب سے خراج عقیدت پیش کرنے کا سلسلہ جاری ہے۔

سری لنکن صحافی نے اپنی ٹوئٹ میں کہا کہ فیلیپ ہیوس نے 20 سال کی عمر میں دنیا کی خطرناک ترین جنوبی افریقن باولنگ کے خلاف ڈیبیو کیا اور سینچری اسکور کی۔

Phillip Hughes made Test debut for Australia at the age of 20 against a strong South Africa attack and was dismissed for 0 in debut inns, scored 75 in 2nd inns & twin centuries in 2nd Test (115 & 160). also scored 112 on ODI debut. (30 Nov 1988 – 27 Nov 2014). #63NotOut #408

— Daniel Alexander (@daniel86cricket) November 27, 2019