راولپنڈی: آرمی چیف جنرل قمر جاوید باجوہ نے ایف 16 طیارے میں پرواز کی اور پاک فضائیہ کی پیشہ وارانہ مہارت اور جذبے کو سراہا۔
پاک فوج کے شعبہ تعلقات عامہ (آئی ایس پی آر) نے سماجی رابطے کی ویب سائٹ ٹوئٹر پر کہا ہے کہ آرمی چیف جنرل قمر جاوید باجوہ نے پی اے ایف مصحف بیس سرگودھا کا دورہ کیا۔ جہاں چیف آف ائر اسٹاف ائر چیف مارشل مجاہد انور خان نے آرمی چیف کا استقبال کیا۔
اس موقع پر ائرچیف مارشل نے خود ایف 16 طیارے کی اُڑان بھری۔ آرمی چیف بھی ایف 16 طیارے میں سوار ہوئے۔ دونوں طیاروں نے دوبدو مقابلوں کی ریہرسل کی۔
COAS & CAS visited PAF Base Mushaf. COAS was flown in an F-16. CAS flew in another F-16 & both aircraft proceeded to maneuver for a combat action simulation mission.
COAS lauded professionalism & dedication of PAF & thanked the Force for its unmatched services to the nation.1/2 pic.twitter.com/rLjGhMLeCN— DG ISPR (@OfficialDGISPR) December 2, 2019
آئی ایس پی آر کے مطابق مشن کی تکمیل کے بعد آرمی چیف جنرل قمر جاوید باجوہ نے اسکواڈرن کے پائلٹس سے گفتگو بھی کی۔ آرمی چیف نے پاک فضائیہ کی پیشہ وارانہ مہارت اور جذبے کو سراہتے ہوئے کہا کہ آپریشنل کامیابیوں کے لیے فورسز کے درمیان ہم آہنگی ضروری ہے۔ ائر چیف نے مصحف بیس کے دورے پر آرمی چیف کا شکریہ ادا کیا۔
یہ بھی پڑھیں آرمی ایکٹ میں ترمیم، مسودے کی تیاری کیلئے پس پردہ رابطوں کا آغاز
