لاہور: گورنر پنجاب چودھری محمد سرورنے کہا ہے کہ حکومت کی معاشی ٹیم کے بہترین نتائج کو دنیا بھی تسلیم کر رہی ہے۔ انہوں نے یہ بات سماجی رابطے کی ویب سائٹ ’ٹوئٹر‘ پر جاری کردہ ایک پیغام میں کہی ہے۔
موڈیز نے پاکستان کا آؤٹ لک منفی سےمثبت کر دیا
وزیر اعظم @ImranKhanPTI اور معاشی ٹیم کی شب و روز محنت کے نتائج دنیا بھی تسلیم کر رہی ہے۔ سٹاک مارکیٹ آج 40ہزار پوائنٹس کی حد بھی عبور کر چکی ہے، موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا ہے۔#PTIStabilisesEconomy https://t.co/cGAz2D0rmw
— Mohammad Sarwar (@ChMSarwar) December 2, 2019
ہم نیوز کے مطابق انہوں نے کہا کہ وزیراعظم عمران خان کی قیادت میں حکومت معاشی شعبے میں کامیابی سے آگے بڑھ رہی ہے۔
اسٹاک مارکیٹ رواں سال کی بلند ترین سطح پر پہنچ گئی
انہوں نے اپنے پیغام میں کہا ہے کہ کامیاب معاشی پالیسوں کی وجہ سے اسٹاک مارکیٹ آج 40 ہزار پوائنٹس کی حد بھی عبور کر چکی ہے۔
گورنر پنجاب چودھری محمد سرور نے جاری کردہ اپنے پیغام میں کہا ہے کہ موڈیز نے بھی پاکستان کی معاشی پالیسیوں کو سراہتے ہوئے کریڈٹ ریٹنگ بہتر کردی ہے۔