کراچی: کاروباری ہفتے کے تیسرے روز روپے کے مقابلے میں ڈالر کی قیمت مستحکم رہی۔
ایکسچینج کمپنیز ایسوسی ایشن کے مطابق اوپن مارکیٹ میں ڈالر آج 154.70 روپے میں فروخت ہوا جبکہ گزشتہ روز بھی اس کی یہی قیمت تھی۔
ابتدا میں ڈالر نے قیمت میں پانچ پیسے اضافہ ہوا تاہم دن کے اختتام تک یہ گزشتہ روز کی قدر پر آگیا۔
اسی طرح انٹر بینک میں ڈالر کی قیمت 155.05 روپے رہی۔ گزشتہ چھ ماہ کے دوران ڈالر اپنی نچلی ترین سطح پر آگیا ہے۔
جون سے لیکر اب تک ڈالر کی قیمت میں نو روپے اور 30 پیسے کمی ہوچکی ہے۔
2019 میں ڈالر کا اتار چڑھاؤ
2019 کے آغاز میں ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔
اپریل 2019 میں ڈالر چھلانگ لگا کر 141 روپے 50 پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔
جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اگست 2019 میں روپے نے ڈالر کا جم کر مقابلہ کیا اور ڈالر 157.20 روپے تک پہنچ گیا۔ ستمبر 2019 کے اختتام پر ڈالر کی قیمت میں مزید کمی واقع ہوئی اور یہ 156.40 روپے پر پہنچ گیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔
