کراچی: لاہور میں پنجاب انسٹیٹیوٹ آف کارڈیالوجی (پی آئی سی) پر وکلاء کے حملے کے واقعے کے بعد کراچی کے بعض وکلاء نے بھی انسانیت سوز واقعہ کی حمایت کردی ہے۔
سوشل میڈیا پر جاری کی گئی اشتعال انگیز وڈیو میں وکلاء کہہ رہے ہیں کہ لاہور میں پہلے ڈاکٹروں نے وکلاء پرحملہ کیا، ہم نے صرف جواب دیا ہے۔ کہیں کے بھی اسپتال ہوں ہم ڈاکٹرز کو نہیں چھوڑیں گے۔
مختلف وکلاء کی جانب سے سوشل میڈیا پر وائرل کی گئی دھمکی آمیز وڈیو میں وکلاء کا کہنا ہے کہاسپتال سرکاری ہوں یا غیرسرکاری، ملک وکلاء نے بنایا تھا۔
کراچی کے وکلاء کا کہنا ہے کہ اگر پولیس اور ڈاکٹروں نے کچھ کیا تو ملک بھر کے اسپتالتوں میں گھس کر ماریں گے.
یہ بھی پڑھیں: پی آئی سی کے باہر فائرنگ کرنے والے دو وکلاء کی شناخت ہوگئی
ویڈیو بیان میں کراچی کے وکلاء کا کہنا ہے کہ وہ لاہور میں وکلاء پرحملے کی مذمت کرتے ہیں اور ان وکلاء کوخوش آمدید کہتےہیں جنہوں نےحملہ کیا۔
ہم کراچی کے ڈاکٹروں کو بھی گُھس کے ماریں گے- وکلاء pic.twitter.com/63iwnGplqP
— Shama Junejo (@ShamaJunejo) December 13, 2019
ویڈیو بیان میں وکلاء کا کہنا ہے کہ وہ لاہور کی وکلاء برادری کے ساتھ ہیں، جوکیا ہے وہ اچھا کیا ہے۔
وکلا نے بیان میں دھمکی دی ہے کہ وہ کراچی سے نکل رہے ہیں، کل لاہور کا کوئی بھی ڈاکٹر نہیں بچے گا۔ ڈاکٹرز اور پولیس معافی مانگیں، تب ہی چھوڑیں گے۔
ویڈیو بیان میں وکلاء کا کہنا ہے کہ وہ کراچی بار کے انتخابات میں مصروف ہیں، ورنہ وہ کسی بھی ڈاکٹر کو جناح اسپتال سمیت دیگر اسپتالوں سے نہیں نکلنے دیں گے۔