پیسے کمانے کے لیے یوٹیوب چینل کیسے بنائیں؟


اپنا یوٹیوب چینل کھولنے کی بہت ساری وجوہات ہوسکتیں ہیں۔ کچھ لوگ دنیا کے ساتھ اپنے شوق اور علم بانٹنے کے لیے یو ٹیوب چینل کھولتے ہیں اور کچھ اس کے ذریعے زندگی کی چھوٹی چھوٹی پریشانیوں کا اظہار کرتے ہیں۔

مجھے اپنا یوٹیوب چینل کیوں کھولنا چاہیے؟

اگر آپ کے پاس کوئی خاص ٹیلنٹ ہے، چاہے وہ کوئی آلہ بجانے یا ویڈیو گیم کھیلنے کے حوالے سے ہو تو  آپ اپنے آپ کو متعارف کرانے اور فالورز بنانے کے لیے آپ اپنا یوٹیوب چینل کھول سکتے ہیں۔

لاکھوں کی تعداد میں لوگ چند مشہور یوٹیوب چینلز ہر مہینے دیکھتے ہیں۔ یوٹیوب چینلز پہ اپ لوڈ کی گئیں ویڈیوز ہر مہینے دنیا بھر میں دو ارب سے زائد لوگوں تک پہنچتی ہیں۔ لہذا آپ کسی بھی موضوع پر ویڈیو بنانا چاہیں تو آپ کو دیکھنے والے ناظرین کو ایک بڑی تعداد دستیاب ہوگی۔

یوٹیوب چینل مقبول ہونے میں کتنا وقت لگتا ہے؟

یوٹیوب چینل کے مقبول ہونے میں کم سے کم اور زیادہ سے زیادہ وقت بھی لگ سکتا ہے۔ آپ اگر فالورز بڑھانا چاہتے ہیں تو آپ کو باقاعدگی کے ساتھ ویڈیوز اپ لوڈ کرنا ہوں گی۔ اگر ہفتے میں ایک ویڈیو پہ کام کرنا پڑے تو باقاعدگی کے ساتھ ہر ہفتے ایک ویڈیو اپنے یوٹیوب چینل پہ اپ لوڈ کرنا ہوگی۔ کسی خاص موضوع پر کام کرنے کے لیے محنت اور وقت کا نذرانہ درکار ہوتا ہے۔ خصوصی ویڈیوز مارکیٹ میں لانے کے لیے زیادہ عرق ریزی کرنا پڑتی ہے۔

کیا مہنگا سامان (equipment) خریدنے کی ضرورت ہوگی؟ 

اگر آپ کے پاس مہنگے سامان کے لیے پیسے نہیں ہیں تو فکر مند ہونے کی کوئی بات نہیں۔ یوٹیوب چینل کھولنے کے لیے مہنگا سامان  (equipment) خریدنا ضروری نہیں ہے۔ عام اسمارٹ فون پر ایچ ڈی ویڈیو بنائی جاسکتی ہے۔

موبائل فون سے ویڈیوز بنانے کے لیے اضافی چھوٹے موٹے پرزے خریدے جاسکتے ہیں تاکہ ویڈیو کی کوالٹی کو بہتر بنایا جاسکے۔ اس کے لیے اسمارٹ فون ٹرائی پورٹ اور پلگ ان (plug-in)  مائیک سے کام لیا جاسکتا ہے۔ ویڈیو کی اچھی کوالٹی کیلئے ڈی ایس ایل آر کیمرہ سب سے بہتر انتخاب ہے

ویڈیو کی کوالٹی کو کیسے بہتر کیا جائے؟

ویڈیو کی بہتر کوالٹی کے لیے روشن ماحول کا انتخاب کرنا لازمی ہے۔ اگر آپ اسٹوڈیو لائٹنگ کا خرچہ برداشت نہیں کر سکتے تو کھڑکی سے آنے والی قدرتی روشنی کو استعمال کر کے ویڈیو کو بہتر بنایا جاسکتا ہے۔

کیا ویڈیو ایڈیٹنگ سیکھنے کی ضرورت ہے؟

اگر آپ نے پہلے کبھی ویڈیو ایڈٹ نہیں کی تو ویڈیو ایڈیٹنگ کا عمل سب سے مشکل مرحلہ ہوتا ہے۔ بے شمار آن لائن ایپس جیسا کہ آئی مووی اور ویڈیو پیڈ وغیرہ اور ویڈیو ایڈیٹرز موجود ہیں جن پہ ویڈیو ایڈیٹنگ کا کام سیکھا جاسکتا ہے۔

ان ایپس اور ویڈیو ایڈیٹرز میں ایسی خصوصیات پہلے سے موجود ہوتی ہیں جن کی مدد سے ویڈیو ایڈیٹنگ آسانی سے سیکھی جاسکتی ہے۔

یوٹیوب چینل شروع کرنے کے لیے بہترین گیجٹس کونسے ہیں؟

یوٹیوب چینل کے لیے ویڈیوز کو پیشہ ورانہ انداز میں شوٹ کرنے کے لیے بہت سارے گیجٹس (gadgets) سے کام لیا جاسکتا ہے۔ اس کے لیے مینفریٹو ٹرائی پورٹ، پیناسونک جی ایچ 5، جوبی گوریلا پوڈ موبائل رگ وغیرہ کا استعمال کر کے اچھی ویڈیوز بنائی جاسکتیں ہیں۔

اگر آپ یوٹیوب کی شرائط اور ایک خاص حد تک فالوورز بنانے میں کامیاب ہوجاتے ہیں تو آپ کو اشتہار ملنا شروع ہو جائیں گے جس سے آپ کو خاطر خواہ آمدن ہو سکتی ہے۔


متعلقہ خبریں