راولپنڈی: پاک فوج کے ترجمان نے بھارت کو کرارا جواب دیتے ہوئے بھارتی فضائیہ کو بڑا چیلنج دے دیا۔
پاک فوج کے ترجمان ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر لکھا کہ پہلے مودی انتخابات جیتنے کے لیے دھمکیاں دیتا تھا لیکن آج ہندوستان میں ہندوتوا کی آگ بھڑکانے کے لیے ایسا کر رہا ہے۔
Typical India. This time not for Modi elections but to extinguish the ongoing Hindutva triggered fire across India. Ok, try this out again. But do ask IAF. Btw, CDS?
Situation along LoC can escalate: Army chief Bipin Rawat | India News – Times of India https://t.co/yTpLreSpao
— Asif Ghafoor (@peaceforchange) December 18, 2019
انہوں نے کہا کہ بھارت پہلے اپنی فضائیہ سے پوچھے کہ کیا وہ اس حالت میں ہے کہ پاکستان کے ساتھ جنگ کر سکتی ہے ؟ پاکستان اس کے لیے دوبارہ تیار ہے۔
واضح رہے کہ بھارتی آرمی چیف بپن راوت نے لائن آف کنٹرول (ایل او سی) پر جاری کشیدگی پر پاکستان کو دھمکی دیتے ہوئے کہا تھا کہ پاکستان کو کسی بھی وقت جنگ کے لیے تیار رہنا چاہیے۔
یہ بھی پڑھیں آرمی چیف کا ایس ایس جی ہیڈکوارٹرز کا دورہ
بھارتی آرمی چیف نے الزام عائد کیا کہ اگست میں جموں و کشمیر کی خصوصی حیثیت منسوخ ہونے کے بعد سے پاک فوج بارڈر ایکشن ٹیم (بی اے ٹی) کی کارروائیوں کے ساتھ سرحد پار سے فائرنگ میں بھی ملوث ہے۔