اسلام آباد: وزیر اعظم عمران خان کل جہلم میں 121 سال پرانے تاریخی منصوبے جلالپور کینال کا سنگ بنیاد کل رکھیں گے۔
تقریب میں وزیر اعلیٰ پنجاب عثمان بزدار، پاکستان تحریک انصاف(پی ٹی آئی) کے مرکزی رہنما جہانگیر ترین، وفاقی وزیر برائے سائنس و ٹیکنالوجی فواد چوہدری بھی شریک ہوں گے۔
وزیر اعظم عمران خان 115 کلومیٹر لمبی مصنوعی نہر کا افتتاح کریں گے جس کی تکمیل چار سال میں ہوگی اوراس منصوبے پر 48 ارب لاگت آئے گی۔
وفاقی وزیر @fawadchaudhry کا جہلم میں جلالپور کینال کے تاریخی منصوبے کے سنگ بنیاد کے حوالے سے ویڈیو پیغام
وزیراعظم عمران خان 121 سال پرانے منصوبے کا سنگ بنیاد پرسوں رکھیں گے#PTI4Jehlum #Jehlum #NA67 #PunjabAgriEmergency #PunjabAgriculture pic.twitter.com/nKmoGX0uHb
— Fawad Chaudhry (Updates) (@FawadPTIUpdates) December 24, 2019
مصنوعی نہری منصوبے کی تکمیل کے لئے ایشیائی ترقیاتی بینک قرض فراہم کرے گا جو بنجر زمین کو ذرخیز بنانے علاقے کی قسمت تبدیل کرنے کا ذریعہ بنے گی۔
بنجر پڑی سینکڑوں ایکٹر علاقے کے عوام کو پینے کا پانی تک دستیاب نہیں ہے۔ سابق صدر جنرل ایوب خان دور کے بعد انڈس ٹریٹی طرز کا یہ پہلا منصوبہ ہوگا۔
ملکہ وکٹوریہ کی خدمت پر انگریز نے علاقے کے لوگوں کی قسمت بدلنے کے لئے 1898 میں یہ منصوبہ تحفے میں دیا تھا۔
بعد ازاں سابق صدر پرویز مشرف نے 2007 میں منصوبے پر کام شروع کرایا تاہم 2008 میں منصوبہ رک گیا۔
