راولپنڈی: آرمی چیف جنرل قمر جاوید باجوہ نے کہا ہے کہ ہم قائد کے ویژن سے ہمیشہ رہنمائی لیتے رہیں گے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) نے سماجی رابطے کی ویب سائٹ ٹوئٹر پر لکھا کہ آرمی چیف جنرل قمر جاوید باجوہ نے بانی پاکستان قائد اعظم محمد علی جناح کے یوم پیدائش کے موقع پر مزار قائد پر حاضری دی۔
“Even in most difficult times, all Pakistanis including minorities have come together without compromise on respective identity. His vision will always guide the way for us to take Pakistan ahead following principles of Faith, Unity and Discipline”, COAS. (2/2). pic.twitter.com/lJfIW6g6bx
— DG ISPR (@OfficialDGISPR) December 25, 2019
اس موقع پر آرمی چیف جنرل قمر جاوید باجوہ نے کہا کہ بابائے قوم نے پاکستان کو دو قومی نظریے پر بنایا تھا اور آج دو قومی نظریے کا سب اعتراف کر رہے ہیں۔ قیام پاکستان کے لیے قائد کا جتنا بھی شکریہ ادا کیا جائے کم ہے۔
یہ بھی پڑھیں نوجوان لیڈر شپ قائد اعظم کو اپنا رول ماڈل بنائے، عمران خان
انہوں نے کہا کہ انتہائی مشکل حالات میں بھی ہر پاکستانی متحد رہا ہے اور اقلیتوں نے بھی بلا تفریق مشکلات میں پاکستان کا ساتھ دیا۔ ہم قائد کے ویژن سے ہمیشہ رہنمائی لیتے رہیں گے.
سربراہ پاک فوج نے کہا کہ ہم ہمیشہ قائد کے ایمان، اتحاد اور نظم کے اصولوں پر چلتے رہیں گے۔
