راولپنڈی: پاک فوج نے بھارت کی بلا اشتعال فائرنگ کے جواب میں دشمن کی چوکی تباہ کردی اور اس کے تین فوجی مارے گئے ہیں۔
میجر جنرل آصف غفور نے ٹویٹ کیا کہ لائن آف کنٹرول پر بھارتی فوج کی سیز فائر کی خلاف ورزیاں جاری ہیں اور پاک فوج نے اس کا بھرپور جواب دیا ہے۔
ڈی جی آئی ایس پی آر کے مطابق دیوا سیکٹر میں بھارتی فوج کی فائرنگ سے پاک فوج کے 2 جوان شہید ہوگئے ہیں۔ شہدا میں نائب صوبیدار کندیرواورسپاہی احسان شامل ہیں۔
Indian CFVs along LOC during the last 36 hours. Responding to CFVs, in Haji Pir Sector Pakistan Army troops damaged Indian post killing 3 Indian soldiers including a Subedar, few injured too. In Dewa Sector Naib Subedar Kandero and Sepoy Ehsan of Pak Army embraced Shahadat. pic.twitter.com/yFuBqPgFVv
— DG ISPR (@OfficialDGISPR) December 26, 2019
نائب صوبیدار کندیرو کا تعلق پنو عاقل ضلع سکھر سے ہے اور سپاہی احسان کا تعلق پنڈ دادن خان ضلع جہلم سے تھا۔
پاک فوج نے جوابی فائرنگ سے حاجی پیر سیکٹر میں بھارتی فوج کی چوکی تباہ کردی ہے جس سے صوبیدار سمیت تین بھارتی فوجی مارے گئے ہیں۔
میجرجنرل آصف غفور کے مطابق پاک فوج کی جوابی کارروائی میں کئی بھارتی فوجی زخمی بھی ہوئے ہیں۔