اسلام آباد: معروف اداکارہ منشا پاشا نے سماجی کارکن جبران ناصر کے ساتھ منگنی کے حوالے سے ہونے والی تنقید پر زبان کھول دی ہے۔
سماجی رابطوں کی ویب سائٹ ٹوئٹر پر لکھی گئی ایک تحریر میں انہوں نے لکھا کہ میری منگنی کے بعد مجھ پر بےجا تنقید کی گئی، میری ذاتی زندگی، میری پسند ناپسند اور سابقہ تعلقات کے متعلق مفروضے قائم کیے گئے۔
This is esp true for me with regards to the troll comments on my some of my engagement photos. Assumptions made on my life, my choices, my previous relationships.
U cant justify cruelty by calling it “an opinion”. Esp if its a worthless opinion. https://t.co/CI0918YlfM— manshapasha (@manshapasha) December 26, 2019
انہوں نے لکھا کہ آپ بے رحمی کو رائے کا نام دے کر اس کا جواز پیش نہیں کر سکتے۔
منشا پاشا نے یہ بات معروف عالم مفتی اسماعیل مینک کی ایک ٹویٹ کے جواب میں لکھی جس میں لکھا گیا تھا کہ غلط خبروں کی ترویج مت کریں، آپ روز آخرت اس کے لیے بھی ذمہ دار ٹھہرائے جائیں گے۔
منشا پاشا کی ٹویٹ کے جواب میں ان کا ساتھ دینے کیلئے چلبلی اداکار ارمینہ رانا خان آگے بڑھیں۔
انہوں نے منشا کو مخاطب کرکے تحریر کیا کہ تم اپنی منگنی پہ ایک ملکہ کی مانند لگ رہی تھی اور تمہارے چہرے سے خوشی جھلک رہی تھی اور یہ کہ یہ لمحات تم سے کوئی نہیں چرا سکتا۔
You looked like a queen Mansha and your face reflected true happiness M.A and nobody can take those moments away from you. They hate because of empty hearts and minds. I’m just going to send you positive energy to fill your timeline with ❤️
— Armeena Khan ? (@ArmeenaRK) December 26, 2019
ارمینہ نے منشا کو پیغام دیا کہ نفرت کرنے والوں کے دل و دماغ خالی ہیں تم ان کی پرواہ مت کرو۔
خیال رہے کہ گزشتہ ہفتے منشا پاشا اور جبران ناصر کی منگنی ہوئی ہے جس کے بعد مبارکباد کے پیغامات کے ساتھ ہی اس جوڑے کو سوشل میڈیا پر تنقید کا نشانہ بھی بنایا گیا ہے۔