اگلا مکمل سورج گرہن کب ہوگا؟


اسلام آباد: دو دن قبل ہونے والا سورج گرہن پاکستان، بھارت، سعودی عرب اور امریکہ سمیت دنیا کے بیشتر ممالک میں دیکھا گیا، تاہم یہ مکمل سورج گرہن نہیں تھا۔

سال 2020 میں پاکستام سمیت دنیا کے بیشتر ممالک میں دو سورج گرہن کے نظارے دیکھے جاسکٰیں گے۔ ان میں سے ایک  مختصر ہوگا، تاہم 21 جون 2020 میں پاکستان، بھارت، سری لنکا، سعودی عرب، کانگو، افریقہ، امریکہ اور یورپ کے بیشتر ممالک میں دم بخود کر دینے والا مکمل سورج گرہن کا نظارہ کیا جاسکے گا۔

21 جون 2020 کو پاکستان سمیت دنیا کے بیشتر ممالک میں نظر آنے والا سورج گرہن 21 اگست 2017 میں امریکہ میں نظر آنے والے مکمل سورج کی طرح کا ہوگا۔

اس دن دنیا کے بیشتر ممالک میں ایک کونے سے دوسرے کونے تک سورج کو مکمل گرہن لگ جائیگا۔

یہ مکمل سورج  گرہن طلوع آفتاب کے وقت کانگو، جنوبی سوڈان، ایتھوپیا، ایرٹیریا، یمن، عمان، پاکستان، بھارت، تیبت، چین اور تائیوان میں لگے گا جبکہ بحر اوقیانوس کی ریاستوں میں یہ غروب آفتاب کے وقت لگے گا اور اس کی شدت 99 فیصد ہوگی۔

موسمیات کے ماہرین کے مطابق کئی برسوں بعد یہ دم بخود کر دینے والا مکمل سورج گرہن ہوگا۔ یہ مکمل سورج گرہن اسے لیے بھی خاص ہے کہ اس کا دورانیہ ایک منٹ سے زیادہ  کا ہوگا۔ اس دن سورج کے کناروں کے قریب سے بیلی کے مالا دیکھنا ممکن ہوسکے گا۔


متعلقہ خبریں