اسلام آباد: آرمی ایکٹ میں ترمیم کے حوالے سے چیئرمین پیپلز پارٹی بلاول بھٹو زرداری نے قانونی طریقہ کار اپنانے پر زور دیا ہے۔
آرمی ایکٹ میں ترمیم کے حوالے سے حکومتی وفد سے ملاقات کے بلاول نے اپنے ٹویٹ میں اس معاملے پر پارلیمانی قواعد و ضوابط پر عمل کرنے پرزور دیا ہے۔
انہوں نے اپنے ایک ٹویٹ میں کہا کہ ہمارے لیے قانون سازی کی جتنی زیادہ اہمیت ہے، اتنا ہی ضروری جمہوری عمل پر عمل پیرا ہونا ہے، پیپلز پارٹی اس مسئلے کو دوسری جماعتوں کے ساتھ بھی اٹھائے گی۔
The more important the legislation the more important it is for us to follow the democratic process. PPP will take this up with other political parties as well. 2/2
— BilawalBhuttoZardari (@BBhuttoZardari) January 2, 2020
بلاول کا کہنا تھا کہ پیپلز پارٹی جمہوری قانون سازی کے عمل میں مثبت طور پر شامل ہونا چاہتی ہے۔ کچھ جماعتیں قانون سازی کے عمل سے بچنا چاہتی ہیں۔
ذرائع نے ہم نیوز کو بتایا کہ حکومتی وفد آرمی ایکٹ میں ترمیم کے حوالے سے بلاول بھٹو کی مکمل حمایت حاصل کرنے میں ناکام رہا ہے۔
