اسلام آباد: معروف اداکارہ ہانیہ عامر نے فوٹو شیئرنگ ایپ انسٹاگرام پر ایک گیم کھیلی جس کے مطابق 2020 میں وہ رشتہ ازدواج سے منسلک ہو جائیں گی۔
نئے سال کے کو خوش آمدید کہنے کیلئے ہانیہ عامر نے گیم کھیلی جس نے دو بار ہانیہ کو 2020 میں شادی کے بندھن میں بندھنے کی نوید سنائی جب کہ تیسری بار جواب قدرے مختلف تھا، جس پر ’پرواز ہے جنوں‘ کی اداکارہ نے خوشی کا اظہار کیا۔
View this post on Instagram
سالِ نو کے آغاز پر معروف اداکارہ نے انسٹاگرام پر ہی اس عزم کا اظہار کیا تھا کہ وہ رواں برس زیادہ سے زیادہ ٹک ٹاک کا استعمال کرکے فہد مصطفیٰ کو مایوس کریں گی۔
خیال رہے کہ معروف اداکار فہد مصطفیٰ نے سماجی رابطوں کی ویب سائٹ ٹوئٹر پر شیئر کیے گئے ایک پیغام میں والدین سے درخواست کی تھی کہ اپنے بچوں کو ٹک ٹاک سے جہاں تک ممکن ہو دور رکھیں۔
ٹک ٹاک ایک ویڈیو شیئرنگ ایپلیکیشن ہے جس میں صارفین مختلف گانوں اور ڈائیلاگز پر اداکاری کرتے ہیں۔
ہانیہ عامر کے ٹک ٹاک اکاؤنٹ پر ان کے قریباً 75 ہزار فالورز ہیں۔
