کوئٹہ: وزیراعلیٰ بلوچستان جام کمال نے بوٹ پالش والے بچے سے ملاقات کرکے اس کی مالی معاونت کی ہے اور شدید سردی سے محفوظ رہنے کے لیے اسے گرم کپڑے بھی دیے ہیں۔
کوئٹہ کی جما دینے والی شدید سردی میں جب مائیں اپنے بچوں کو بستر سے نکلنے نہیں دیتیں بوٹ پالش لیے روزی روٹی کمانے نکلا یہ ننھا بچہ انسانیت کے نام پر بھی اور فلاحی ریاست، مدینہ کی ریاست کا نام لینے والوں کے منہ پر بھی شدید طمانچہ ہے
? pic.twitter.com/wxTNh8KyBy— Dr. Uzma Qudrat (@QudratUzma) January 14, 2020
سماجی رابطوں کی ویب سائٹس پردو دن قبل ایک ایسے معصوم و کمسن بچے کی ویڈیو وائرل ہوئی تھی جو سخت سردی اوربرفباری میں گھر پہ رہنے کے بجائے تھر تھر کانپتا ہوا بوٹ پالش کا سامان سڑک پہ رکھ کر بیٹھا گاہکوں کا منتظر تھا۔
ویڈیو میں دکھائی دے رہا تھا کہ شدید سردی سے بچاؤ کے لیے اس کے پاس مناسب گرم کپڑے نہیں تھے اور اس نے تیز چلتی یخ بستہ ہواؤں سے خود کو محفوظ رکھنے کے لیے ایک چادر کا سہارا لیا ہوا تھا۔
ویڈیو میں دکھائی دے رہا تھا کہ ہونے والی برفباری اس کے بوٹ پالش کے سامان کو سفیدی سے ڈھک رہی تھی لیکن شاید اس کے گھر کی غربت نے اسے باہر سڑک پہ نکلنے پر مجبور کیا تھا۔
پی آئی اے ڈے کیئر سینٹر میں بچوں کی پٹائی، ویڈیو وائرل
سماجی رابطوں کی ویب سائٹس پر ویڈیو دیکھنے والے صارفین کی جانب سے رنج و غم، دکھ اور شدید غصے کا اظہار کیا گیا تھا۔ یہ سلسلہ ہنوز برقرار ہے۔