اسلام آباد: کراچی ایئرپورٹ پر گندگی اور تعفن کی وجہ سے مہوش حیات کا پارہ چڑھ گیا اور انہوں نے انتظامیہ کو کھری کھری سنا دیں۔
مہوش حیات کا شمار ان اداکاراؤں میں ہوتا ہے جو سماجی اور سیاسی مسائل پر کھل کر اپنی رائے کا اظہار کرتی ہیں۔
صدارتی تمغہ امتیاز حاصل کرنے والی اداکارہ نے اس بار سماجی رابطوں کی ویب سائٹ ٹوئٹر پر کراچی انتظامیہ کو آڑے ہاتھوں لیا ہے، اداکارہ نے لکھا کہ وہ ایئرپورٹ گئیں تو وہاں کے واش روم استعمال کرنے کا تجربہ انتہائی ناخوشگوار رہا۔
Disgusting! Had misfortune to use the ladies room at Khi Airport – dirty and stinking. Even saw cockroaches. Not only is it unhygienic but is this the first impression we want to give to people arriving here? These are the most basic amenities – let’s clean up our act
— Mehwish Hayat TI (@MehwishHayat) January 24, 2020
مہوش حیات نے لکھا کہ واش روم انتہائی گندا اور تعفن سے بھرپور تھا یہاں تک کہ واش روم میں لال بیگ بھی موجود تھے۔
انہوں نے لکھا کہ ہ ایئر پورٹ کے واش روم کا یہ حال نہ صرف لوگوں کی صحت کیلئے نقصان دہ ہے بلکہ جو لوگ بیرون ممالک سے یہاں پہلی بار آئیں گے انہیں آپ اپنے ملک کا پہلا تاثر کیا دینا چاہتے ہیں؟ بیت الخلا کی صفائی بنیادی سہولیات میں سے ایک سہولت ہے۔
