امریکی باسکٹ بال لیجنڈ کوبی برائینٹ ہیلی کاپٹر حادثے میں ہلاک

سکرامنٹو: ریٹائرڈ این بی اے کھلاڑی کوبی برائینٹ اور ان کی 13 سالہ بیٹی گیانا برائینٹ کیلی فورنیا میں ہیلی کاپٹر حادثے میں ہلاک ہو گئے ہیں۔

امریکی میڈیا کے مطابق کوبی اپنی بیٹی سمیت نو افراد کے ہمراہ نجی ہیلی کاپٹر میں سفر کر رہے تھے۔ ہیلی کاپٹر میں اس وقت آگ بھڑکی جب وہ کلاباسس شہر کے اوپر سے گزر رہا تھا۔

میڈیا رپورٹس کے مطابق حادثے میں پائلٹ سمیت نو افراد ہلاک ہو گئے جن میں نجی کالج کے بیس بال کوچ، ان کی اہلیہ اور بیٹی بھی شامل ہیں۔

لاس اینجلس کاؤنٹی حکام نے بتایا ہے کہ لاشوں کو تلاش کرنے میں کئی دن کا وقت لگ سکتا ہے کیونکہ ہیلی کاپٹر ایک کھردرے علاقے میں گر کر تباہ ہوا ہے۔

عینی شاہدین کے مطابق ہیلی کاپٹر کے نیچے گرنے سے پہلے انجن کی زوردار آواز سنی گئی تھی تاہم حادثے میں زمین پر موجود آبادی کو کسی قسم کا نقصان نہیں پہنچا۔

اس افسوسناک حادثے کی اطلاع مقامی وقت کے مطابق صبح دس بجے ملی، حادثے کی وجوہات جاننے کے لیے تحقیقات جاری ہے۔

کوبی برائینٹ کے کریئر پر ایک نظر

باسکٹ بال لیجنڈ 17 سال کی کم عمر میں ہائی اسکول سے این بی اے سرکٹ میں داخل ہوئے۔ سال 2001 میں وہ ونیسہ کے ساتھ شادی کے بندھن میں بندھے، ان کی چار بیٹیاں ہیں۔

سال 2008 میں برائینٹ کو این بی اے (نیشنل باسکٹ بال ایسوسی ایشن) کا بہترین کھلاڑی قرار دیا گیا۔ اس کے ساتھ ساتھ ان کے پاس این بی اے میں دو بار بہترین اسکورنگ کرنے کا اعزاز بھی موجود ہے۔

کوبی دو مرتبہ اولمپک چیمپئین جبکہ پانچ مرتبہ نیشنل باسکٹ بال ایسوسی ایشن کے چیمپئین بنے۔

لیکرز لیجنڈ نے اپنے پورے 20 سالہ کرئیر کے دوران لاس اینجلس لیکرز کی جانب سے ہی کھیلا جس کے بعد وہ اپریل 2016 میں ریٹائر ہو گئے۔

کوبی نے پانچ منٹ پر مشتمل بہترین شارٹ اینیمیٹڈ فلم “ڈیئر باسکٹ بال” پر آسکر ایوارڈ بھی حاصل کیا۔ یہ فلم ان کی جانب سے سال 2015 میں کھیل کے لیے لکھے گئے ایک خط پر مبنی تھی۔

دنیا بھر میں سوگ کا سماء

لیجنڈ کھلاڑی کی موت کی خبر نے امریکہ سمیت دنیا بھر میں موجود باسکٹ بال کے مداحوں کو رنجیدہ کر دیا، مداحوں کی جانب سے مختلف طریقوں سے گہرے دکھ اور افسوس کا اظہار کیا جا رہا ہے۔

کوبی برائنٹ کی ہلاکت کی خبر سوشل میڈیا پر ٹاپ ٹرینڈ بن گئی ہے۔ ان کی موت کی خبر پر نامور شخصیات کی جانب سے بھی رد عمل سامنے آیا ہے۔

امریکی صدر ٹرمپ نے اپنی ٹویٹ کے ذریعے تعزیت کی اور کوبی برائنیٹ کی ہلاکت کو افسوسناک خبر قرار دیا۔

سابق امریکی صدر براک اوبامہ کی جانب سے بھی کوبی برائنٹ کی موت پر افسوس کا اظہار کیا ہے۔

معروف بھارتی اداکارہ پریانکا چوپڑا نے انسٹا گرام پر کی گئی اپنی پوسٹ میں گہرے دکھ کا اظہار کرتے ہوئے کہا کہ کوبی نے بہت سے لوگوں کو متاثر کیا اور ان کو پمیشہ یاد رکھا جائے گا۔

 

View this post on Instagram

 

Kobe Bryant was my first real introduction to the NBA. I was 13 living in Queens NYC, the same age as his sweet little girl, Gianna. He ignited my love for the sport, competition, and striving for excellence. He inspired an entire generation. His legacy is so much bigger than basketball. This heartbreaking accident also took the life of his young daughter, Gianna. I’m shook and so saddened. My heart goes out to Vanessa, Natalia, Bianka, and Capri Bryant. You are in my thoughts. Also sending my condolences to the loved ones of the other family and pilot in the accident. Being at tonight’s Grammys ceremony in his home at the Staples Center is going to be surreal. 💔 #RIP #KobeBryant #RIPMamba

A post shared by Priyanka Chopra Jonas (@priyankachopra) on

کوبی برائینٹ کی موت کی خبر نے ان کے پاکستانی مداحوں کو بھی سگوار کر دیا۔

معروف پاکستانی اداکارہ ماہرہ خان نے ٹویٹ کے ذریعے اپنے جزبات کا اظہار کیا

ایک ٹویٹر صارف نے لکھا کہ انہیں معلوم نہیں تھا ان کے رول ماڈل کی موت ان کے لیے اتنی تکلیف دہ ثابت ہو گی۔

کوبی برائنیٹ کی موت کی اطلاع سننے کے بعد امریکہ بھر میں باسکٹ بال کے مقابلوں کے دوران کوبی کو خراج تحسین پیش کرتے ہوئے چند لمحوں کے لیے خاموشی اختیار کی گئی۔

لاس اینجلس کے لینکر اسٹیڈیم میں گریمی ایوارڈ کی تقریب کے دوران برائنیٹ کو خراج تحسین پیش کیا گیا۔

متعلقہ خبریں

ٹاپ اسٹوریز