اسلام آباد: امریکہ نے پاکستان کے متعلق اپنی ٹریول ایڈوائزری تبدیل کردی ہے۔ امریکہ سے قبل برطانیہ نے بھی چند روز قبل پاکستان کے متعلق اپنی ٹریول ایڈوائزری تبدیل کی تھی۔
Pakistan has noted the update in the U.S. Travel Advisory, which has acknowledged that “Pakistan’s security environment has improved.” This is a step in the right direction.
— Spokesperson ?? MoFA (@ForeignOfficePk) January 31, 2020
پاکستان کے دفتر خارجہ کی ترجمان ڈاکٹر عائشہ فاروقی نے امریکہ کی جانب سے ٹریول ایڈوائزری تبدیل کیے جانے کے فیصلے کا خیرمقدم کرتے ہوئے کہا ہے کہ امریکی ٹریول ایڈوائزری میں پاکستان میں امن و امان میں کو صورتحال کو بہتر تسلیم کیا گیا ہے۔ انہوں نے کہا ہے کہ امریکی ٹریول ایڈوائزری میں تبدیلی درست سمت میں ایک قدم ہے۔
پاکستان میں امن و امان کا برطانیہ نے اعتراف کرلیا: ٹریول ایڈوائزری تبدیل کردی
سماجی رابطوں کی ویب سائٹ ’ ٹوئٹر‘ پر جاری کردہ اپنے ایک پیغام میں انہوں نے کہا ہے کہ پاکستان نے سیکیورٹی کی صورتحال میں بہتری کے لیے مؤثر اقدامات اٹھائے ہیں۔
ڈاکٹر عائشہ فاروقی نے اپنے پیغام میں کہا ہے کہ اقوام متحدہ نے بھی وفاقی دارالحکومت اسلام آباد کو دوبارہ اپنے عملے کے لیے فیملی اسٹیشن قرار دے دیا ہے۔
