حکومت غریب افراد کو راشن فراہم کرے گی، وزیر اعظم

حکومت غریب افراد کو راشن فراہم کرے گی، وزیر اعظم

فوٹو: فائل


اسلام آباد: وزیر اعظم عمران خان نے کہا ہے کہ حکومت انتہائی غریب افراد کو راشن فراہم کرے گی۔

وزیراعظم عمران خان کی زیرصدارت اعلی سطح کا اجلاس ہوا جس میں کھانے پینے کی اشیاء کی سستے نرخوں فراہمی پر غور کیا گیا جبکہ عوامی سہولت کے لیے اہم فیصلے بھی کیے گئے۔ وزیر اعظم نے بنیادی اشیائے ضروریہ کی قمتیں ہر صورت کم کرنے کی ہدایت کر دی۔

وزیر اعظم عمران خان نے کہا کہ عوام کی سہولت کے لیے کچھ بھی کرنا پڑے کروں گا جبکہ اشیا کی قیمتوں میں کمی کے لیے ہر حد تک جائیں گے۔

وزیر اعظم نے اجلاس میں ہدایت کی کہ عام آدمی کے باورچی خانے میں بنیادی اشیاء ہر حال میں پہنچائی جائیں، جن افراد میں خریدنے کی طاقت نہیں انہیں حکومت راشن دے گی۔ احساس پروگرام کے تحت انتہائی غریب افراد کو راشن دیے جائیں گے۔

یہ بھی پڑھیں مریم نواز، حمزہ شہباز کی درخواستوں پر سماعت کرنے والے بینچ تحلیل

انہوں نے کہا کہ ہم اگر غریب کا احساس نہیں کر سکتے تو ہمیں حکومت میں رہنے کا کوئی حق نہیں ہے۔

وزیر اعظم نے مشیر خزانہ حفیظ شیخ کو بھی اہم اقدامات کی ہدایت کرتے ہوئے کہا کہ کسی بھی چیز کے پیسے کاٹے جائیں لیکن غریب آدمی کو سہولت دیں کیونکہ ہم غریب کی بہتری کے لیے ہی حکومت میں آئے ہیں۔

مہنگائی سے متعلق بات کرتے ہوئے انہوں نے کہا کہ ملک میں مہنگائی سابقہ حکومت کی لوٹ مار کا نتیجہ ہے تاہم ذخیرہ اندوزوں نے بھی معاملات خراب کیے ہیں۔

یہ بھی پڑھیں تجارتی خسارے میں 28فیصد کمی

وزیر اعظم نے یوٹیلیٹی اسٹور کے چیئرمین کی کارکردگی کو سراہتے ہوئے کہا کہ آٹا بحران میں یوٹیلیٹی اسٹورز نے بہترین کام کیا اور یوٹیلیٹی اسٹورز میں اشیا کی فروخت میں 800 فیصد تک اضافہ ہوا۔


متعلقہ خبریں